Wan de tarîx yeno çinkerdiş 

2018-11-08 13:15:40


	 

	WAN - Qayûmo ke tayînê şaredarîya Artemitê Wanî bi, Keleya Kêna ke wextê Urartuyan de menda, projeyo ke viraştişê kafe û restorekerdiş de ca gênê seba awankerdişî da destpêkerdiş. Hemverfeka Tevgerê Ekolojî Seher Ataşe wina va: "Awanîyê Urartu, Selçuklu û Ermenî yê Wanî ameyî texrîbkerdiş. Hewl danê ke goreyê xo tarîxêke awan bikerê û tarîx wextê xo ra bidê destpêkerdiş. No hewldayîşê înan vera kultur, ziwan û hişî rê hêriş o."

	 

	Keleya tarîxî de restorasyon û kafe

	 

	Keleya Kêna ya wextê Urartuyan ra menda, bi restorasyonê qij yê goreyê taybetîyê aye ya tarîxî heta ewro ameya û nika qeyûmê Artemitî Atif Çîçekî keleya tarîxî îmarî rê akerd û dest bi xebatê kafeterya û restorasyonî kerd.

	 

	'Amanc çinkerdişî tarîxî yê mintiqa yo'

	 

	Hemverfeka Tevgerê Ekolojîyê ê Mezopotamya Seher Ataşe da zanayîş ke amancê tayînkerdişê qayûman o bi ke heme cayê tarîxî yê mintiqa çin bikerê û wina va: "Çi estbi heme bi destê qayûm çin kerdî. Restorasyon yeno manayê ke cayê ke rijyayo goreyê taybetîyê ci viraznê. La qayûman nê warê tarîxî rantî rê akerd û kerdî beton û asin. Heme awanîyê tarîxî seba nê formê xo yê tebîî vindî kerdî. Heme awanîyê tarîxî yê Urartu, Selçuklu û Ermenî yê Wanî ameyî çinkerdiş. Amancê qayûman o yo ke bi hetgirê xo rê pere bidê qezenckerdiş. Vanê ma ‘keleya kêna’ restore kenê, la ma ewnîyenê kafe viraznenê. Rijnayîşê betonî restorekerdiş nîyo."

	 

	'Qayûm warê sîte yê tebîî açerna rant'

	 

	Sehere tewr peyîn qiseykerdişê xo de da zanayîş ke keleya kêna yewin talanê qayûmî Artemîtî yo û va : Kela wextê Urartuyan ra menda. Eynî wextî de sey warê sît ameya qebulkerdiş. Ganî ma heme wayîr Keleya Kêna vejîyê. Ya zî heme erjê ma yê tarîxî yê qayûmî dir bêrê çinkerdiş."