'Bi tecrîd komel hedef yeno girewtene' 

2018-11-08 12:23:03


	 

	AMED - Hemsereka HDPyî Sûrî Sevîm Coşkune dîyar kerde ke tecrîdê vera Rayberê PKKî Abdullah Ocalanî sînorê Îmralî derbaz kerdo û hedefo esas komel o û va: "Wazenê dêsêke qalind mabêne Birêz Ocalan û komelî de ronê."

	 

	Bi hemkarîyê hêzê mîyanneteweyî 15ê Sibata 1999an de Rayberê PKKî Abdullah Ocalan ardî Tirkîya û berdî hepisxaneyê Tîpê F yê Asayîşê Berz ê Îmralî. A roje ra dima Abdullah Ocalan binê tecrîd de yenê girewtene. 27ê Temmuza 2011an heta nika bi avûkatan dir 5ê Nîsana 2015an heta nika bi heyetê Îmralî û keyeyî dir nêeşkeno pêvînayîş bikerê. Abdullah Ocalan tewr peyîn 11ê êlule 2016an de bi birayê xo Mehmet Ocalanî dir pêvînayîş kerd.

	 

	A roje ra dima ne keye û ne zî raya pêroyî Rayberê PKKî Abdullah Ocalan zanayîş nêgênê. Heme muracatê keye û avûkatan bi sebebê ‘koster xerabe ya’, ‘keştî yena viraştiş', ‘muxalefetê hewa’, ‘OHAL’ yenê redkerdiş.

	 

	'Tecrîd vera huqûqî dinya yo'

	 

	Hemsereka HDPyî Sûrî Sevîn Coşkune da zanayîş ke tecrîd vera huqûqê dinya yo û va ê cuya Abdullah Ocalanî ra bi endîşeyîn ê û va ganî pêvînayîşê bi ey dir bêrê destpêkerdiş. Sevîme arde ziwan ke Abdullah Ocalan rayberê têkoşînî yê azadîya cinîyan o no semed ra zî tecrîd tewr zêde cinîyan eleqedar keno û ganî cinî seba peynîkerdişê tecrîdî xo tewr zêde rêxistin bikerê, têkoşîn bikerê.

	 

	'Tecrîd komel hedef gêno'

	 

	Sevîme tewr peyîn qiseykerdişê xo de dîyar kerde ke tecrîdê sînorê Îmralî derbaz kerdê û va hedefê esas ê tecrîdê komelî yo û wina va: "Tecrîdo ke îqtîdar Birêz Ocalanî ser keno, esas de komelî hedef gêno. Wazenê têkiliyê Abdullah Ocalanî bi komelî dir bivisnê. Bi kamerayan 24 saetan Birêz Ocalan yeno temaşekerdiş. Heqê rojname, radyo, telefon û pêvînayîşî dir bêpar yeno verdayîş. Sebebê no o yo ke têkiliyê ey bi komelî dir bivisnê."