Derheqê rojnameger Kîbrîye Evren de cigêrayîşê dîsîplînî! 

2018-11-07 11:43:15


	 

	AMED - Derheqê 10 cinîyê ke rojnameger Kîbriye Evrene zî mîyan de Hepisxaneyê Tîpê E yê Amedî de tepişnayeyê bi sebebê bi kurdî kilaman vatê cigêrayîşê dîsîplînî ame destpêkerdiş.

	 

	Midurê Hepisxaneyê Tîpê E yê Amedî bi sebebê 1 teşrîna peyêne de kilamê kurdî vatê, 10 cinîyê hepsîyan rê cigêrayîşê dîsîplînî dayî destpêkerdiş. Mîyanê 10 cinîyê ke cigêrayîş derheqê înan de ame destpêkerdiş, rojnameger Kîbriye Evrena ke 9ê teşrîna verêne de amî tepiştiş zî esta. Hepsîyan ra ame waştiş ke mabêne 3 rojan de pawitiş bikerê.

	 

	Nameyê cinîyê ke derheqê înan de cigêrayîşê dîsîplînî ame destpêkerdiş wina yê: "Sînem Ateş, Songul Aşila, Selma Yilmaz, Menduha Polat, Arzu Karaman, Leyla Yildiz, Edanur Bazancîr, Kîbriye Evren, Kumrî Tokay û Muslîme Kalkan.”