'Cinîyê multecî seba xizmetê mêrdeyê kalan yenê zewicnayîş' 

2018-11-07 09:17:24


	 

	Melîke Aydin

	 

	ÎZMÎR - Sereka Komeleya Piştdayîşî bi Multecîyan dir avûkat Ayşe Çelîke dîyar kerde ke cinîyê multecî hîn mintiqayan de sey xizmetkarê mêrdeyê kalan yenê zewicnayîş û bi no hewa yenê îstîsmarkerdiş û va ê vera nê piştdayîşê pawenê.

	 

	Sereka Komeleya Piştdayîşê bi Multecîyan dir avûkat Ayşe Çelîke dîyar kerde ke cinîyê multecî komela de hem xo aver benê û hem zî warê zayendî komelî, jîneolojîk û huqûqî de perwerdeyî gênê.

	 

	'Cinîyê multecî hepsê keyeyî yenê kerdene'

	 

	Ayşeye da zanayîş ke netîceyê tewr giran yê şerî cinî û domanî cuyenê û her ca de problemê entegrasyonî cuyenê. Ayşeye wina va: "Bi taybetî cinîyê Rojhelatê Mîyanên û Vakurê Afrîka ra ameyê seba ke keyeyî ra nêvejîyenê, problemê entegrasyonî cuyenê. Cinîyê ke bi zor ameyê zewicnayîş, şîdet vînayê û reya diyîn, hîrên zewicyayê estê. Ma hewl danê piştdayîşê huqûqî bidê înan. Ma xo resna nêzdîyê 300 multecîyê cinîyan. Înan zî piştdayîş dayî projeyê ma."

	 

	'Bi mêrdeyê kalan dir yenê zewicnayîş'

	 

	Ayşeye tewr peyîn da zanayîş ke cinîyê multecî, sîstemê zewacî yê Tirkîya ra zanayîşê înan çin o û bi mêrdeyê kalan dir yenê zewicnayîş û wina va: "Cinî mareyê şaredarî ra bêxeber ê. Xeylê cinî Fas, Surîye û welatê bînan ra ameyê. Îhtîmalêke pîl torrêke serê çapemenîya komelî ra anê Tirkîya. Mêrdeyê dewêke Çorumî bi cinîyê Fasî dir yenê zewicnayîş. Bi taybetî zî mêrdeyê kalan dir seba ke xizmetê kalan bikerê zewicnenenê. Ma hewl danê ke vera nê rêxistinbîyayîş bikerê. Cinîyê multecî yenê tecrîdkerdene."