Cayê bîyayîşê medenîyetî binê hêrişanê dewleta tirkî de yo 

2018-11-06 15:37:11


	 

	Rûken Goman  

	 

	DÊRIK - Cayê bîyayîşê medenîyetî dewa Endîwerê ya girêdayeyê Dêrikî ya Rojawanê Kurdistanê binê hêrişanê dewleta tirkî de xover dana.

	 

	Dewa Endîwer girêdayeyê Dêrikî ya Rojawanê Kurdistanî ya û xeylê medenîyetan rê wayîrî kerda. Dewe wayîrê tarîxêk kehen a. La nika binê hêrişanê dewleta tirkî de xover dana. Cinîyê ke dewa Endîwerî sey cennetê rîyê dinya biname kenî dîyar kenî ke ê do vera heme hêrişan de xover bidî û dewa xo ra nêvejîyenî.

	 

	'Dewleta tirkî ya dagirker do têk şêra'

	 

	Cinîya bi nameyê Sedîqa Xelîla 75 serrî dîyar kerde ke ê dewa xo ra zaf hes kenî û wina dewam kerde: “Wexto ke merdim yeno dewa Endîwerî boya merdimî hîra beno. Tîya de xoza û zerrîweşîyêka weş estî. Zerrî ra parekerdişêk esto. Domanîya mi tîya de derbaz bîye. Xeyal û hewnê mi yê tewr weşî tîya de pê ameyî. Ez heta nê emrê xo xebetîya ya û tena serê xo debara xo kena. Ez serê sibayî lez wirzena û hewayê dewa xo yê pake ancena zerrî ya xo. La çiheyfo ke hêrişê dewleta tirkî yê wehşane huzur nêdanî ma. Dewleta tirkî ya dagirker do têk şêra. Ma do qezenc bikerî.”

	 

	'Ma guleyanê înan ra nêtersenî'

	 

	Sewbîna cinîyan ra Meryem Ebdullaha 80 serrî qiseykerdişê xo de daye zanayene ke çi beno wa bibo ê fek dewa xo ra vera nêdanî û wina va: “Dewleta tirkî ser rona erd û malê ma ser. Hema zî vera kurdan de hêrişê înan dewam kenî. Her ke nizdîyê dewa ma benî gule reşênenî. Binê hende hêrişan de ma cuya xo domnenî. Ma guleyanê înan ra nêtersenî. Ma tîya de bi omidêk pîl têkoşîn danî. Xoza û cuya tîya ma nêdanî pêroyê dinya. Dewa ma sey cennetê rîyê dinya ya. Ez do heta peynî dewa xo nêvejîyena û teslîmê dagirkeran nebena.”