
Sûka zerdî ya tarîxî ya Sûrî de kar çin o û sûke veng a 

2018-11-06 13:06:53


	&nbsp;

	AMED - Selîme Tuncaya ke sûka zerdî ya tarîxî yê Amedî de bi serran o esnafî kena dîyar kerde ke seba vayîya zerdan kes nêeşkeno çîyêk bigîro û xeylê dikanê zerdan dikanê xo padayê.

	&nbsp;

	Tirkîya de seba zêdebîyayîşê dolar û dimayê krîzê ekonomî ra zerd zaf vay bi û kes nêeşkeno çîyêke bigîro. 2002an de ke şîyayeyê asgarî 184 bi û nê dir 14 gram zerd ameyne girewtene, ewro şîyayeyê asgarî 1603.12 TL yo la 10 gram zerd pê nîno girewtene.

	&nbsp;

	Selîme Tuncaya ke bi serran o sûka zerdan yê tarîxî de esnaf a û derheqê babete de qisey kerde û bale ante ser vayîya zerdî û va sektorê zerdî ameyo sewîyeya çinbîyayîşî.

	&nbsp;

	'Sebeb krîzê ekonomî yo'

	&nbsp;

	Selîmeye da zanayîş ke bi demêke derg o nêeşkenê kar bikerê û sebebê ci zî krîzê ekonomî yo û wina va: "Krîzê ekonomî hema dewam keno. Her roje vayîya zerdî zêde bena. Sebebê nê zî vatişê sîyasetmedar û dewamkerdişê krîzê ekonomî yo."

	&nbsp;

	'Ekonomîyê esnafî qedîyayo'

	&nbsp;

	Selîmeye dewamê qiseykerdişê xo de arde ziwan ke Sûr de dimayê prosesê pêrodayîşî ra nat esnafî ameyê sewîyeya qedîyayîşî û wina dewam kerde: "Dimayê pêrodayîşê ekonomîya esnafan qedîya. Seba krîzê ekonomî esnafan zirarêke pîl dî. Zerd zî ameyo sewîyeya çinbîyayîşî. Xeylê kesî kargehê xo padayî û karê bînan kenê."

	&nbsp;

	&nbsp;