Hepsîyê hepisxaneyê Tîpê L yê Patnosî: Çîyê ke ma cuyenê bidê eşnawitiş 

2018-11-05 13:08:05


	 

	ŞIRNEX - Sîbel Kabula ke derheqê hepsîyê ke hepisxaneyê Tîpê L yê Patnosê Agirî de manenê û îhlalkerdişê heqan rojeve ra nêvejîyenê, veng da û wina va: "Her reya ke ma şonê, çîyê ke ma înan ra eşnawenê 'vengê ma bidê eşnawitiş' o."

	 

	Hepisxaneyê Tîpê L yê Patnosî yê Agirî ke her wext bi îhlalkerdişê heqan û tedayan rojeve de yo, çîyê ke uca ameybî cuyayîş berdibî meclîs. Seba hepisxaneyê hepisxaneyo ke boya laximî awe ci ra yeno, nêweşî zêde bîyê û hepsîyayan kêfî kenê hucreyan, keyeyan vengdayîşê piştdayîşî kerdî. Sîbel Kabula ke Şirnex de her aşmî bi hîrê domananê xo dir şina pêvînayîşê mêrdeyê xo yo ke cezaya muebetî girewto, dîyar kerde ke rewşa hepsîyan baş nîyo û va yewin çîyê ke anê ziwan ke vengê înan bêro eşnawitiş.

	 

	'Hepsîyê nêweş nînê dermankerdiş'

	 

	Sîbela ke bi serran o hîrê domananê xo dir şina pêvînayîş, wina vate: "Serra vîyarte de mêrdeyê mi qrîzê qelbî derbaz kerd. La hewteyêke dima ra reyna berdî nêweşxane. Hema zî problemê ey yê weşî estê. Sey ê bi desan hepsîyê nêweş estê. La înan nêbenê nêweşxane. Wexto ke benê zî zaf erey beno ya zî baş nînê dermankerdiş. Awe pak nêdanê. Werdê înan baş nîyo. Bê sebeb kenê hucreyan. Her rey ez cil û belgan mêrdeyê xo rê eşrawena, nêdanê. Awe pak nêdanê. Nêeşkenê sereyê xo bişoyê. Baş wey nêbenê."

	 

	'Wa seba înan çîyêk bêrokerdiş'

	 

	Sîbele tewr peyîn qiseykerdişê xo de wina va: "Ganî her wext heyetêke şoro cigêrayîş bikero. Zafê rayan kitab û rojname nînê dayîş. Ganî her pêvînayîş de yewin çîyê ke yeno vatiş 'vengê ma bidê eşnawitiş' o. Ganî seba înan çîyêk bêro kerdene. Hemine kîlo dayê. Nêeşkenê sereyê xo bişoy. Nêweşîyan ra tersenê. Awe pak e çin a. Hewte de 8 saetan awe yena dayîş. No mîyan de  her kes karê xo keno."