
Hêmrîn Elî: Kayê futbolî tena ê camêrdan nîyo 

2018-11-04 16:48:56


	&nbsp;

	Şêrîn Zêrevan&nbsp;

	&nbsp;

	QAMIŞLO - Reya yewin o ke cinîyê futbolwan ê ciwanan stadyomê Heysem Kiço yê Taxa hîlalî de ameyî têhet.

	&nbsp;

	Cinîyê ciwan yê Tîma Qamişlo û Tîma Amûde yê Kantonê Qamişloyî de yewin rey Stadyomê &nbsp;Heysem Kiço yê Taxa Hilêliyî de ameyî vera yewbînan û netîce de Tîmê Qamişloyî yê Cinîyan Tîmê Amûdî berd û serkewte bî.

	&nbsp;

	'Cinîyan hişmendîyê camêrdan ê vera futbolî qedêna'

	&nbsp;

	Hemsereka Heyetê Ciwan û Sporî Hemrîn Elî nê ser qisey kerde û va: "Reya yewin o ke Cinîyê Tîmê Qamişlo û Tîmê Amûdî futbol de yenê hemverê yewbînan. Seba ke ma nê zihniyetî bişiknê û têduştî yê cinî û camêrdan ê futbolî bidê ramojnayîş ma tîmê cinîyan awan kerd. Ma bi nê waşt ke bale biancê ser sporî û cinîyê ciwan do aver berê. La hetê sporî de waştişê ma tena ke cinî futbol de ca bigîrê eynî wextî de ma waşt ke cinî Voleybol, Basketbol, taykvando, kerate û setranc zî kay bikerê."

	&nbsp;

	'Kayê futbolî tena ê camêrdan nîyo'

	&nbsp;

	Kaykerodoxê Tîmê Qamişlo yê bi nameyê Rehef Hisên zî hîsê xo yê serkewtişî wina arde ziwan û va: "Bi çar serrê mi ke ez futbol kay kena. Dimayê ke mi bi serran xo perwerde kerd, êdî ez derbazê kayê futbolî bîya. Seba mi çîyêk zaf bi rûmet bi ke sey kênayake ciwan Tîmê Qamişloyî de cayê xo gêna û fotbol kay kena. Ez zaf kêfweş a ke ma ewro bi serkewtê. Amancê ma tena serkewtiş nîyo, eynî wextî de ma wazenê ke bîyayîşê xo dîyar bikerê û ma vajê ma cinîyê ciwan eşkenê futbol kay bikerê. Futbol tena kayê camêrdan nîyo ê cinîyan o zî."

	&nbsp;