Xoverdayoxê Flormarî ra vengdayîş 

2018-11-02 13:33:50


	 

	STENBOL - Xoverdayoxê Flormarî ra Ayşe Ozturke veng da cinîyê Flormar û Yves Roche û kesê ke gênê û va: "Wexto ke cinî şinê maxazeyê înan wa cinîyê ke fabrîkayan de cemedênê bifikrîyê. Wayîrê xoverdayîşê ma vejîyê ke wa tewr zêde keda cinîyan nêra îhlalkerdene."

	 

	132 karkerê ke bi sebebê endamê Sendîkaya Petrol-Îşî yê, fîrmayê kozmetîk ê Flormarî yê Mintiqaya Sanayî yê Organîze yê Gebezeyî de kar ra ameyî eştiş. 15ê Gulane heta nika verê fabrîka de çalakîya xo dewam kenê. Cinîyê çalakgerî dîyar kenê ke ê do fek têkoşînê xo ra vera nêdê. Xoverdayîş kewt aşma 7ine û seba ke çapemenîya neteweyî de zêde nêvejîya, zanayîşê kesan boykotkerdişê markayê Flormar û Yves Roche çin o. Xoverdayoxa flormarî Ayşe Ozturke dîyar kerde ke ê do pêwa şert û mercê zimistanî zî çalakîya xo dewam bikerê û vengdayîşê boykotî cinîyan rê kerdî.

	 

	'Nêwazenê ma bivînê'

	 

	Ayşeye dîyar kerde ke çalakîya înan kanalê neteweyî de nîna vînayîş û wina va: "Nêwazenê ma bivînê. Uca de têkoşînê kede esto. Têkoşînê merdiman ê abigeyrê karê xo esto. Amancê ma o bi ke ma bibê endamê sendîka. Kesê ke 8 serrî yo xebityenê zî hema pereyê asgarî gênê. Seba rewşa ma baş biba, ma bî endamê sendîka. Seba ke ma bî endamê sendîka ma kar ra vetî. Vatî ke ‘endamê rêxistinî teberê qanûnî yo'. Sendîka 52in maddeya Destûrê Bingehîn de esta. Qêrînayîşê ma seba têkoşînê nanê ma yo."

	 

	'Yê ke qalê edaletî kenê wa verê folarmarî ra biewnê'

	 

	Ayşeye da zanayîş ke bi aşman o bê mabên têkoşîn kenê û wina va: "Na reya ewil o ke hende kesî ameyî têhet û ma wina asan zî fek ci ra vera nêdanê. Keyeyê ke mîyanê krîz de yê estê. Hem keyeyan ra hem zî derûdorî ra teda estê. Vanê xoverdayîş biqedênê. Yê ke qalê edaletî kenê wa bêrê verê flormarî biewnê. Edalet ça yo?"

	 

	Ayşeye veng da kes ke flormar û Yves Roche ra çîyan gênê û va wexto ke ê kesî konê maxazeyan wa cinîyê ke fabrîkayan de cemedênê bîyarê verê çiman û vengdayîşê piştdayîşê cinîyan kerde.