
Şîranîyê multecîyan: Herîse, Bukasî, baqlawaya Helebî 

2018-11-02 12:43:19


	&nbsp;

	AMED - Multecîyê Sûrîye yê seba şerî mecbur mendê welatê xo terk bikerê, cayê ke bi ca bîyê zî kulturê xo danê cuyayîş. Yew cayê ke multecîyê Sûrîye tercîh kerdo bajarê Amedî yo. Qezaya Baglarê Amedî de serê her kuçeyî dikanêke şîranîye yê aîdê Surîyeyijan esta. Multecîyê Surîye zî seba çinbîyayîşê kar û betalî ra acis ê û dîyar kenê ke ê bi nê dikanan debara xo kenê û eynî wextî de kulturê xo zî danê naskerdiş.

	&nbsp;

	Multecîyê ke şîranîyê Halebî viraznenê, dîyar kenê ke şîranîya tewr zêde eleqe vînena ‘herîse’ ya.

	&nbsp;

	Herîse, Bukasî, baqlawaya Helebî

	&nbsp;

	Yew şîranîya tewr zêde welatîyê Amedî eleqe ramojnenê ‘herîse’ ya. Şerbet serê kekî ra yeno rijnayîş, fistiqê şamî û gozê hîndîstanî ser de yenê ro kerdene. Tewirêke bîn ya şîranî zî ‘bukasî’ ya. Bi mîrê baqlawa yena viraştiş û fistiqê şamê kenê mîyan.

	&nbsp;

	Kîşte nînan de şîranîya ‘Helebî’ zî esta û na zî tepsîyêke pîl de bi vame û fistiqê şamî yena viraştiş. Multecîyê Sûrîye dîyar kenê ke ê şurubê glîkoz şîranîyê xo de nêxebitenê û no semed ra şîranîyê înan şenik û bi tehm ê.

	&nbsp;