Destê bi şîfa yê cinî 

2018-10-31 12:55:15


	 

	Stêrvan Bêrîtan

	 

	MINBIC - Cinîya bi nameyê Emşa Hemîde ke esteyê merdiman yê ke cayê xo ra vejîyayê, reyna kena da û dima ra derman kena va ke aye wexto ke no karî kena zaf kêfweş bena. Çunke aye girîngî û taybetî dana weşîya merdiman.

	 

	Cinîya bi nameyê Emşa Hemîda 50 serrî ke dewa Cideydî yê Minbicî ra ya û esteyê merdiman ê ke cayê xo ra vejîyayê kena ca û dima ra derman kena. Emşa va ke destê cinîyan tarîx ra heta nika bi şîfayîn ê û va seba weşîya merdiman heme kes ganî her wext mîyanê hewldayîşêke de bê. Seba ke bingehê cuyake weş, weşîya baş a.

	 

	'Ganî ma heme merdimî rewşa yewbînan ê baş şa bibê'

	 

	Emşaye dîyar kerde ke her welatî ra merdimî yenê verê aye û wina va: "Ez, wayê û birayê xo ma pîyê xo ra musayî ke esteyê merdiman yê cayê xo ra vejîyayê bikerê ca û derman bikerê. Seba nê xeylê merdimî sey welatê Lubnan, Erebîstanê Sûûdî û Urdunî ra yenê ke ez înan baş bikerî. No mi zaf kêfweş keno. Wexto ke ez merdimêke baş kena, ez zî xo baş hîs kena. Ganî ma heme merdimî rewşa yewbînan ê baş ra şa bibê."

	 

	'Destê cinîyan tarîx ra heta nika bi şîfa yo'

	 

	Emşaye da zanayîş ke destê cinîyan tarîx ra heta nika her wext şifa yo û qiseykerdişê xo wina qedêna: "Ez zaf girîngî û taybetî dana weşî û rewşa merdiman. Çunke bingehê cuyake weş, weşîya baş a. No semed ra ma heme cinî û komelêke warê weşî de çi destê ma ra bêro ma do bikerê. Cuye bi nê rengî weş  û geş bena."