Silopî de polîtîkayê nêseyyewbînanî: Seba dewanê ke piştî danî AKPyî asfalt 

2018-10-29 13:49:16


	 

	 

	ŞIRNEX - Rayîrê dewa Babga û Germgeyî yê ke qûntarê koyê Cudî de yî bi polîtîkayê nêseyyewbînanî ke qayûm keno mabenê înan bale ancenî. Dewa Babga ke rayîrê aye xirabe yî nînê viraştiş. Rayîrê dewa Germgeyî ke dewa parlamenterê AKPyî ya heta qeza ameyî asfaltkerdiş.

	 

	Sezer Işiktaşo ke sey qayûm tayînê Şaredarîya Silopî ame kerdiş medyaya komelkî ser de ‘xizmetê seyyewbînanî’ vejeno aver, la raştîya xo de kerdişê ci eksê vatiş û parekerdişê ci yî. Rayîrê dewa Babga û Germgeyî bi hawayo aşkera polîtîkayanê ci nîşan danî. Rayîrê dewa Germgeyî yê dewa Parlamenterê AKPyî yê Şirnexî Rizgîn Bîrlîkî heta qeza ameyo asfaltkerdiş û rayîrê dewa Babga zî kehen û rijnayeyo.

	 

	Rayîrê dewa ke newe ra ameya şênkerdiş nîno viraştiş

	 

	Rayîrê dewa Babga ke serranê 90an de ameybî veşênayîş û nika welatî reyna tede bi ca bîyî xirakerde yî û vîşêrê wesayîtê girdî ti wesayîtêk nêeşkeno şêro dewe. Rayîro xirakerde zirar dano wesayîtê ke mecbur manenî pira derbaz zî. Bi desan keyeyî dewe de cuyenî û her çiqas ke muracat bêrî kerdiş zî ti çîyêk nêameyo kerdiş.

	 

	'Ma bi desan reyan muracat kerd'

	 

	Dewijî dîyar kerdî ke nufusê înan zî sey dewanê bînan o û rayîrê înan yenî yenî viraştiş û wina vatî: “Biewnên rayîrê înan û bêewnên rayîrê ma. Ma bi desan reyan muracat kerd. Şaredarî rayîran nêvirazena. Bi serran o no rayîr winayo. Tena herr û wesayîtê heywanan eşkenî tîya ra derbaz bibî.”