Dewijê ke dewa înan ameya dagirkerdiş: Ma dewa xo nêdî 

2018-10-28 13:57:35


	 

	AMED - Dewijê dewa Karakoyu her çiqas ke dormeyê înan bi awanîyanê berzî bêrî girewtene zî cuya dewî de israr kenî. Dewijî dîyar kenî ke yê rezîdansan de ronişenî dewijan begem nêkenî û vanê axur ma aciz keno. Dewijî dayî zanayene ke verê cû ra nata dewe de cuyenî û cuya xo ra xeylê kêfweşî û do qetî dewa xo ra fek vera nêdî.

	 

	Cinîyê ke dewa Karakoyu ya qezaya Peyasî ya Amedî de cuyenî dewamkerdişê cuya dewî de israr kenî. Karakoyu girêdayeyê qezaya Peyasî bî û dormeyê aye de awanîyê berzî virazîyayî. Dima ra zî statuya taxe girewte. Dewijê dewa Karakoyu her çiqas ke dormeyê înan bi awanîyanê berzî bêrî girewtene zî cuya dewî de israr kenî. Dormeyê dewe bi awanî, kafe, mexane û şampewjan ameya dagirkerdiş. Vera hende dagirkerîye de dewijî nanê xo tenuran de pewjenî, sewzî xo baxçeyan de çinenî û cuya dewî de israr kenî. Dewe bîya diparçe û şaredarî xizmet nêdana hetê corîn. Şaredarî xizmet dana hetê awanîyan. Dewijî dîyar kerdî ke eşteyê dewe nînê pakîkerdiş û seba ke dewe ra bivejîyî şaredarî xizmet nêdanan hetê înan.

	 

	Dewijî dîyar kenî ke yê rezîdansan de ronişenî dewijan begem nêkenî û vanê axur ma aciz keno. Dewijî dayî zanayene ke verê cû ra nata dewe de cuyenî û cuya xo ra xeylê kêfweşî û do qetî dewa xo ra fek vera nêdî.

	 

	'Ez cuya dewe nêdana cuya bajarî'

	 

	Şemsîye Akkoyune daye zanayene ke cuya dewe êdî sey verê cû nîya û va: “Dormeyê dewe bi awanîyan ameya padayîş. Ez cuya dewe nêbedilnena ti cuyek. Verê cû dewa ma zaf weş bî. Nika dewa ma bîa taxe.”

	 

	Cinîya bi nameyê Remzîye Akkuyune zî xover dana û va: “Ez fek cuya dewe ra vera nêdana. 50 serrî yo ke ma dewe de cuyenî. Ez dewa xo ra zaf hes kena. Ez do tîya de cuya xo dewam bikera.

	 

	'Çi beno wa bibo ez fek vera nêdana'

	 

	Fatma Kayaye zî arde ziwan ke vera hende zor û zehmetîyan de dewijî cuya dewe de israr kenî û dewe ra vejîyayîş înan ser de yeno ferzkerdiş. Fatma dîyar kerde ke cuya bajarî seba înan zehmetin a. 

	 

	Cinîyan ra etwr peynî Ayşe Demîre qisey kerde û va: “Dewa ma wayîrê tarîxêk kehen a. dormeyê ma de rezîdansî virazîyayî. Yê ke rezîdansan de ronişenî ma begem nêkenî. Vanê axur ma aciz keno. ma verê cû ra nata tîya de cuyenî. Ma cuya xo ra zaf kêfweş î.”