Dayîkêke esîr ameya girewtiş 2018-10-28 11:06:15   Gazel Bulut   “Ez fikrîyena ke ma eşkenê kitabêke hîkayeyan ke hîkayeyê mîlîtarîzm û zayendpestî ra dûr, seba domanê ke mecbur mendê dayîk û pîyê xo ra dûr pîl bibê dîyarî bikerê. Ez heme dostê ma yê wayîrê hîsgêrîyê komelî yê, kitabê hîkayeyan wazena."   Roja ke ez ameya tepiştiş û kêna xo ra mecbur menda bivisî dima, ez dejê dayîkê ke domanê xo ra dûr zerrîya xo de hîs kena. Mi bêrîkerdişê înan pare kerd. Heta nika parekerdişê min ê tewr bi dej no bi. Ez serê nameyê heme dayîkan, seba domanê ke mecbur mendê dayîk û pîyê xo ra dûr bicuyê, fikrîyena ke ma eşkenê kitabê ke dayîk û pîyê înan, înan rê qalî kenê dîyarî bikerê.    La no kitab ganî mîlîtarîzm, zayendperestî ra dûr bibê. Ganî tede heskerdişê merdiman, xoza û heywanî bibê. Ganî kulturê ma ra zî parçe tede bibê. Hêvî û bawerîya ma ra parçe tede bibê. Ez bendeyê piştdayîşê şima nuştoxî yê bi hîsgiran a. Seba domanan, seba kesê ameyoxê no welatî, heme kesê bi hîsgêr kitabê hîkayeyan wazena. Şima bieşkê bi rayîrê posta mi rê bieşrawê, ma do zaf kêfweş bibê.   Dayîka Çîgdem Arjîn, Gazel Bulut.   Hepisxaneyê Tîpê F yê Hûmara 1 ê Kandirayî