Seba Meles Tekîna hepsî raporê 'eşkena hepisxane de bimana' 

2018-10-27 13:25:47


	 

	MÊRDÎN - Hepsîya nêweşe Meles Tekîna ke sewqê Edeneyî ameye kerdene, hetê STE ra raporo ke 5 aşmî ra dima ame amedekerdiş de ame vatiş 'Eşkena hepisxane de bimana'. Avûkatê Melese ke xeylê nêweşîyê aye estê, derheqê raporo ke ameyo eşrawitiş de îtîraz kerdî û muracatê serbest veradayîşê bi kontrol kerdî.

	 

	Meles Tekîna 73 serrî Mêrdîn de aşma Nîsane de bi sebebê 4 serrî û 2 aşmî cezaya aye esta amî tepiştiş û eşrawitî hepisxane, dima ra zî surgunê hepisxaneyê Elezîzî kerdî. Melese seba problemê weşîye vetî revîr û dima ra seba raporê Sazgehê Tipê Edlî sewqê Edene. Bi qerarê doktorê revîrî Melese koxuş de dermankerdişê diyalîzî dî û raporê STE zî 5 aşmî ra dima vejîya.

	 

	Waştişê veradayîşê bi kontrol û hepsê keyeyî ame redkerdiş

	 

	Pêwa ke ame vatiş do rapor 2 aşman de vejîyo, 5 aşmî dima ra ame vetiş û rapor de ame vatiş ke kêmasî estê û Melese eşkana hepisxane de bimana. Nê dir raporê waştişê avûkatan ê veradayîşê bi kontrol û hepsê keyeyî ame redkerdiş.

	 

	Melesa ke xeylê nêweşîyê aye estê, tewr peyîn bi waştişê doktorê revîrî qerar ame dayîş ke Melese koxuşê dermankerdişê diyalîzî bivîna. Melesa ke bi hetkarîya embazanê xo lazimîyê xo yê rojane vînena, nêweşîyê aye yê qelbî, sîne, tansîyon û şekir estê. Melesa ke her wext tansîyonê aye berz bena, di rojan ra rey vejîyenê revîr.

	 

	Kêna aye Emîne Tekîne dîyar kerde ke maya aye Melese seba nêrehetîyê kezebe de meşnayîş de zehmetî ancena û wina va: "Seba ke nêweşîyê aye hende estê, ma do aye serbest vera bidê. La aye berdî Edene zî çîyêk nêbi. Doktorê revîrî sewq kerd. Nika vanê eşkena hepisxane de bimana. Ma şonê serdayîşê aye moralê xo hewl dana baş bigîra. La xeylê nêweşîyê aye estê."

	 

	Avûkatanê aye zî derheqê raporî de îtîraz kerdî û waştişê veradayîşê bi kontrol kerdî.