'Ma perwerde de bibê hêzê çareserî' 

2018-10-25 13:56:38


	 

	Sorgul Şêxo

	 

	TIL TEMIR - Temsîlkara Wendegehê Nayîf EL-Salimî Nadiya Xalide derheqê sîstemê perwerdeyê  rejîmê Baasî de şîrove kerde.

	 

	Bi serran o Rojawanê Kurdîstanî de Rejîmê Baasî bi sîstemê perwerdeyê kuyayîş û asîmîlasyonê wendekaran tesîrêke negatîf serê înan de keno. Têkîldarê sîstemê perwerdeyîyê Rejîmê BAASî temsîlkara Wendegehî Nayîf El-Salimî Nadiya Xalide qisey kerde. Nadiyaye dîyar kerde ke sîstemê perwerdeyî yê BAASî vernîya zanistî gêno û va ke bi kuyayîş hişê wendekaran de exlaqê nêbaş yenê awankerdiş.

	 

	'Bi perwerdeyê kuyayîşî wendekarî benê wayîrê ehlaqê nêbaş'

	 

	Nadiyaye dewamê qiseykerdişê xo de da zanayîş ke rejîmê BAASî bi sîstemê perwerdeyê bîyaye nesilê nêzaneye awan keno û wina va: "Tedayê vera domanan, tedayê vera cuye yo. Çiqas mamoste û keye bi heskerdiş nêzdîyê wendekaran bibê domanî hende aver şinê. Perwerdeyî de rolê keyeyî zaf girîng o. Hîn wendekarî bi teda û kuyayîş yenê perwerdekerdiş, no xelet o. Heta nika rejîmê BAASî wina bi. La dimayê şorişê Rojawanî sîstemê perwerdeyî ame vurnayîş. Goreyê Rejîmê Baasî xeberdayîşê bi ziwanê maye qedexe yo û wendekarê ke qisey kenê yenê cezakerdiş. La bi destpêkê Rojawanê Kurdîstanî sîstemê wendişî ame vurnayîş. Êdî her wendekarêke branşêke wazenê wanenê. Komel no sîstemî ra razî yo."

	 

	'Komelo ke binê tesîrê teda de mendo wendekaran zanistî ra dûr fîneno'

	 

	Nadiyaye arde ziwan ke perwerdeyîyê şîdetin, vernîya problemê komelî akeno û wina va: "Şîetê vera wendekaran problemê komelî kûr kenê. Ganî perwerdeyî bi hawayêke zanistî û bi heskerdiş bêro dayîş. Ganî sîstemê perwerdeyî bi no hewa bêro ronayîş. Şîdet, şîdet î awan keno. Ganî bi heskerdiş nêzdîyê wendekaran bibê. Komelê binê tesîrê teda de manenê, wendekaran zanistî ra dûr fînenê. Seba ameyoxêke roşn lazimî bi sîstemêke newe esto. Domanî ameyoxê ma yê, ganî ma bi no hewa nêzdîyê înan bibê."

	 

	'Ma sey komel eşkenê perwerdeyî de bibê hêzê çareserî'

	 

	Nadiyaye tewr peyîn qiseykerdişê xo de arde ziwan ke problemê perwerdeyî bi zanayîşê komelî do bêrê çareserkerdiş û qiseykerdişê xo wina qedêna: "Wexto ke wendekarî dersa xo ya keye nêvirazê, ma nêdanê înan ro. Ma ganî înan rê bibê hêzê çareserî. Înan rê warê zanistî û zanebîyayîşî de bibê hetkar. Ma înan ra hes bikerê û zanistî înan ra bidê heskerdiş. Xora domanê ke hes nêkenê biwanê, ma bi keyeyê înan dir pêvînayîş kenê. Sîstemê Rojawanê Kurdîstanî de sîstemêke  demokratîk û zafrengî esto. Ez veng dana keyeyan ke wendegehan de tedayê serê wendekaran qebûl nêkerê û wendekaran rê bibê hetkar."