Cinîya ke bi serran tedaya mêrde dîye veng daye pêroyê cinîyan 

2018-10-24 13:18:39


	 

	Zeynep Durgut

	 

	WAN - Welatê Rojhelato Mîyanên û Tirkîya de bi serran o camêrdê ke bi îqtîdarê xo hetê ekonomî, fizikî û hişmendî de her tewir teda serê cinîyan de kenê. Cinîya bi nameyê O. A. ku bi serran o mêrde û keyeyê mêrdeyê xo ra teda dîye, veng daye pêroyê cinîyan ke vera teda û camêrdê îqtîdaran bibê yew û hêzê xo birêxistin bikerê.

	 

	Xeylê xo Rojhelato Mîyanên û Tirkîya de bi serran o seba zewacê emrê qij de cinî hetê psîkolojî, fizîkî û ekonomî de bi tedayê camêrdan dir rî bi rî manenê. Cinîya bi nameyê O.A. ya ke taxa Kevenlî ya rayîrê Armûşê Wanî de cuyena ke bi serran o mêrdeyê xo ra teda dîye veng da heme cinîyan ke vera tedayî hêzê xo xurt bikerê.

	 

	'Bi seran teda ro mi kerd'

	 

	O.A., dewamê qiseykerdişê xo de arde ziwan ke aye bi serran vera komelç îqtîdar û mêrdeyê îşkencekar xo ver daya û wina va: "Ez bi zorê 15 serrî ya xo de ameya zewicnayş û eynî serre de digane menda. Nika 3 domanê mi estê. Verê ke ez domanîya xo bicuyî ez bîya wayîrê domane. Her wext keso ke înan mi ey dir zewicnabi serê mi de teda kerd. Her tewir teda bi mi kerd. Her roje mi rê û domananê mi rê heqaret ameyne kerdiş. Mêrdeyo ke ez ey dir ameya zewicnayîş û keyeyê ey bêbextî bi mi kerdêne. Mêrdeyê mi her roje bi hewîardiş mi tehdîd kerdêne. Ez nêeşkayne vejîya verê teberî. Tewr peyîn mi keye ra eşt teber. Dimayê ke ez bi  saetan ez tebera menda, cîranî wayîrê mi vejîyayî. Dima ra ez ageyraya verê keyeyê xo."

	 

	'Mêrdeyê mi verê keyeyê xo zî dayêne mi'

	 

	O.A., ard ziwan ke domanê aye, aye ra viznayê û va ganî cinî teda qebul nêkerê û wina va: "Mi zaf zehmetî o keyeyî de ant. Ez bi vêşanî, teda û feqîrî dir rî bi rî ameya verdiş. Her çiqas rewşa ekonomîya mêrdeyê mi baş bi zî mi feqîrî o keye de dîye. Mêrdeyê mi verê keyeyê xo zî dayêne mi û destûr nêdayne ke mi rê bibê hetkar. Mêrdeyê mi qet lazimîyê mi nêardêne ca. Ma tewr peyîn yewbînan ra visyayî. Domanê mi ke 9 aşme bi mi ra visnayî û nêdayî mi. Dimayê di serran ancax bi qerraê dadgehe mi domanê xo dîye. Serrêke ra reyke verdenê ez domananê xo bivînî. Wexto ke ez wazena bi telefon bi domananê xo dir qisey bikerî zî ez yena astengkerdiş û destûr nêdanê ke domanê mi, mi dir qisey bikerê. Domanê mi zaf qij ê, lazimîyê înan bi eleqeyê maye esta, la destûr nêdayî ke ez înan eleqedar bibî. Ez nika verê keyeyê xo de cuyena."

	 

	'Cinî bi rêxistinbîyayîş eşkenê vera teda serkewte bibê'

	 

	O.A.  tewr peyîn bale ante serê têkoşîn û yewîya cinîyan û veng da heme cinîyan ke vera teda bêpawitiş nêmanê û wina va: "Rewşa min a ekonomî baş nîya. La reyna zî bi îmkanê tewr kêm ez xo serê lingan de verdena. Tena waştişêke mi esto ke ez bi domananê xo dir bicuyê. Ez veng dana heme cinîyê ke teda vînenê, cinî vera teda wa bêpawitiş nêmanê û eke ma hêzê xo vera teda birêxistin bikerê, ma eşkenê her tewir teda meydan ra wedarnê û bêveng nêmanê û têkoşînê xo xurt bikerê."