
Îzlanda de cinîyî seba heqdestê seyyewbînanî vejîyenî meydanan 

2018-10-23 13:41:36


	&nbsp;

	MERKEZÊ XEBERAN - Îzlanda de cinîyî roja 24ê Teşrîna verêne Çarşeme de seva ke bêedaletîya heqdestê mabênê cinsan protesto bikerê do saet 14.55 de kar ca verdê û vejîyê meydanan.

	&nbsp;

	Cinîyî do heme bajaranê pîlan ê Îzlanda de roja çarşeme saet 14.55 de kargehanê xo ca verdê. Verê xo bidê meydanan û çalakîya protestokerdişî viraznê. &nbsp;Waştişê cinîyan cîyatîya mabênê heqdestê cinî û camêrdan wedarîyo, cuya karî de vernî ro tacîzê cinsîyî bêro girewtiş û sektorê ke cinîyî ûca zaf ê cinîyî bibê îdarekar. Sebebê saet 14.55 de karî caverdayîşê înan camêrdan ra se ra 26 hîna tay heqdestî girewtiş o. Cinîyî anê ziwan ke saet 14.55 ra tepîya karsazan rê belaş xebityenê.

	&nbsp;

	Cinî wazenê ke heqdestê înan û camêrdan têduşt bê. Seba vernîya tacîz û tecawiz zî bêro girewtene cayê karî de tedbîr bêrê girewtiş û sektorê ke zafê xebatkarê ci cinî yê , îdarekar zî cinî bi. Îzlanda ke sey welatê tewr zêde têduştî pawena dinya de yena vînayîş û hereketê femînîstî bi hawayêke xurt meşnenê ya, cinî bi dayeyê &nbsp; se ra 26 camêrdan ra kêm destheqî gênê.

	&nbsp;

	Qanûn bi xoverdayîşê cinîyan ame vetiş

	&nbsp;

	Grev û çalakîyê ke cinî bi serran o organîze kenê, par rayîr ver bi netîceyêke akerdib. Meclîsê Îzlanda aşma Adare de qanûnêke qebûl kerd ke gore no qanûnî ganî heqdestê têduşt cinî û camêrdan rê bêro dayene. No qanûn do serra 2020an de bikewo pratîk û goreyê no qanûnî, şert o ke karsaz heqdestê têduşt bido xebatkarê xo yê cinî û camêrdan.

	&nbsp;

	Karsazê bê sertifîka do bêrê cezakerdiş

	&nbsp;

	Wexto ke qanûn kewt pratîk, karsazê ke zêdeyê 25 karkerê cinî xebitnenê, do muracatê sazgehan bidê û sertîfîkayê serê dayîşê heqdestê têduşt seba cinî û camêrdan bigîrê. Sazgehê ke sertîfîkayê înan çinbê, do ceza înan rê bêro birnayîş. Cinîyê ke do roja Çarşeme saete 15:45an dest kar vera bidê, sere de paytext Rejkjavîkî do bajarê Akûreyrî, Îsafjordûr, Keflavîk û Egîlsatîrî vejîyê meydanan.

	&nbsp;