Di serrî badê mergê Mehmeto 11 serrî heyetê kesê zanaye arê bî! 

2018-10-22 12:25:22


	 

	ŞIRNEX - 21ê kanûna 2015î de taxa Karşiyaka de guleyê topî erzîyabî keyeyêk ro û parçeyê şarapnelî ginabî sereyê Mehmet Meteyo 11 serrî ro. Keye bi desan reyan ambulas gêra, la bi mehneya ‘qedexe esto’ ambulans nêerşawîya û Mete terkê mergê xo ame kerdiş. Heta nika derheqê tehqîqato ke hedîse ra dima ameyo akerdiş de ti gamêk nêameyo eştiş û dozgerî heta nika tena îfadeyê keyeyê Meteyî girewto.

	 

	Qezaya Silopî ya Şirnexî de prosesê qedexeyê tebervejîyayîşî de guleyê topî erzîya keyeyê Mehmet Meteyo 11 serrî ro û netîceyê hedîse de cuya xo vînî kerd. 21ê kanûna 2015î de taxa Karşiyaka de guleyê topî erzîyabî keyeyêk ro û parçeyê şarapnelî ginabî sereyê Mehmet Meteyo 11 serrî ro. Keye bi desan reyan ambulas gêra, la bi mehneya ‘qedexe esto’ ambulans nêerşawîya û Mete terkê mergê xo ame kerdiş. Heta nika derheqê tehqîqato ke hedîse ra dima ameyo akerdiş de ti gamêk nêameyo eştiş û dozgerî heta nika tena îfadeyê keyeyê Meteyî girewto.

	 

	Dimayê di serrî ra dima heyetê kesê zanenê kom bî

	 

	Êlula 2016î de Serdozgerîya Silopî tehqîqat daye akerdişe û di serrî yo ke vîşêrê raporê otopsî û îfadeyê keye ti çîyêk dosya de nêameyo zêdekerdiş. Tewr peynî Mehkemaya Îdarî qerarê tayînkerdişê heyetê kesê zanaye daye. Nîno zanayene ke heyeto newe do kamî wext rapor amade bikero. Cayê guleyan hema zî keyeyê Mehmetî de esto. Babete ser o Dayîka Meteyî Gurbet Meteye qisey kerde.

	 

	Ez do heta peynîya emrê xo hesab pers bikerî

	 

	Gurbet Meteye dîyar kerde ke wexto ke îfadeyê aye ameyo girewtiş aye ra parsayî ‘kamî wina kerdo’ û wina dewam kerde: “Herinda ke ê cewab bidî, yenî ma rê persan pers kenî. Eke xendekan de wina bibayêne, ez do hende ver nêkewtîyayêne. Mi do bivatêne pêrodayîş de wina bîyo, la wina nêbî. Ameyî zerrîya keye de lajê kiştî. Wazenê pêroyê kurdan qetil bikerî. Mîlyonan pere bisî zî ez fek gerreyê x ora vera nêdana. Ez do heta peynî xover bida.”