
Vera JESî xoverdayîş girs beno: Şîyayeyê şerî ramitiş qedêna 

2018-10-19 10:13:47


	&nbsp;

	Melîke Aydin

	&nbsp;

	AYDIN - Cinîyan dîyar kerd ke seba çalê JESî Kizilcakoy de yenê viraştiş, darê încîran, zeytûn û rezê înan wişk benê û vatî şîyayeyê şerî yê dewlete ramitiş qedêna û vatî no proje nêro antiş do çalakîya xo pîl bikerê.

	&nbsp;

	Taxa Kizilcakoya Efelerî ya Aydinî, xoverdayîşê vera projeyê akerdişê 120 çalê JESî ke serê 30 hezar donimê erdî ke hetê Walî ra destur ame dayîş ke bêro kendiş, dewam keno. Şar bi şew û roje vera santralan nobete gênê û rastê mudaxaleyê leşkeran yenê. Cinîyan reaksîyon vera rewşe dayî û vatî ganî proje peyser bêro antiş.

	&nbsp;

	‘Engurê ma heme wişk bî'

	&nbsp;

	Tevhîde Unale dîyar kerde ke dewlete erdê înan seba 25-50 serrî kîra daya şîrketê JESî û va şîyayeyê şerî tîya ra peyda kenê û wina va: "Dewlete vera ke Sûrîye rê eleqedar bena wa hîn biewna herra xo ra Bi no hewa ramitiş vindî bi. Ma no welat de cuyenê. Rezê ma emsar heme wişk bî. Bi di serrî yo ma dej ancenê. Wa êdî Enqere ma bieşnawa."

	&nbsp;

	Sevgî Unale zî da zanayîş ke berardişê enerjî goreyê usulî nîyo û wina va: "Ma JESî ra zaf nêrehet ê. Ez reyke rîşa merdimwere kewta. Ez nêwazena domanî mi zî eynî dej biancê. Ma do têkoşînê xo dewam bikerê."

	&nbsp;

	Cinîya bi nameyê Ulku Dala zî arde ziwan ke madeyê kîmyewî hewa de vila benê û heme ganeyan kişeno û va tena Kicilcayî û derdorê ci nê zirar dano heme Aydin. Ulku eynî wextî de da zanayîş ke zeytûn û încîrê ke yewin çimeyê debara dewijan ê zî çin bîyê.

	&nbsp;

	'Ma do şorê merkez xo ver bidê'

	&nbsp;

	Mujde înce zî wina va: "Pêwa ke ez bajar de manena zî ez yena dewe beşdarê çalakîya roniştişî bena. Çalakî bi 3-4 aşmî ya dewam kena. Eke netîce ma nêgîrê ma do şorê bajar têkoşîn bikerê."

	&nbsp;

	&nbsp;