Cinîyê multecî yê ke cayê çinbîyayîşê cuye de yê 

2018-10-19 10:10:54


	 

	Dîlan Babat

	 

	ENQERE - Aktîvîst Ozge Yelesele va multecîyê cinî yê ke Tirkîya de rastê taciz, tecawiz û emrê qij de yenê zewicnayîş û cinîyê ke kampan de manenê zî sere de problemê pakî, problemê zaf cidîyê beşdarbîyayîşê cuya komelî cuyenê.

	 

	Qezaya Karaburunê Îzmîrî 10ê teşrîna verêne de keştîya ke multecî berdêne qelibya awe û dima ra cenazeyê 8 kesan ameyî vînayîş û 26 kesî zî hema vindîbîyayeyê. Qezaya Îzmîrî de zî 14ê teşrîna verêne de kamyona ke multecîyan berdêne qelibya û 22 kes merdî û xeylê ci doman 13 hebî birîndar bî.

	 

	Goreyê dayeyê fermî aşma Tebaxa 2018an heta nika Tirkîya 3 mîlyon û 522 hezar û 303 multecîyê Sûrîye estê. Multecî rastê problemê cîya bi cîya cidî yenê. Cinîyê ke kampan de manenê zî rastê hêrişê îstîsmarê zayendî yenê.

	 

	'Sera 80 kampan de nêcuyenê'

	 

	Aktîvîst Ozge Yelesele va seba pêrodayîşê Sûrîye xeylê kesî mecbur mendî koçê Tirkîya bikerê û wina va: "Vernê de her çiqas xeylê kes kampan de bi ca bibê zî, seba bêîmkanan sera 80 êdî kampan de nêcuyenê. Sera  50 mintiqaya Başurê Rojhelat, sera 20 zî Stenbol û bajarê bînan de cuyenê. Coka zî problemê starbîyayîşî, kultur, perwerde, pawitiş û piştdayîşê komelî yenê cuyayîş."

	 

	Ozgene dewam de arde ziwan ke yew problemo tewr pîl ke cinîyê multecî cuyenê, îhlalkerdişê heqan û şîdetê derheqê zayendî de yê û wina va: "Rewşê sey tacîz, tecawiz û zewacî yenê cuyayîş. Cinîyê ke merkezê starbîyayîşî de cuyenê zî problemê pakîtî cuyenê. Bi beşdarbîyayîşê cuya komelî de zî probleman cuyenê. Hîn cinîyê nêweş yê multecî rastê vatişê 'do nêweşî vila bikerê' yenê. Kesê perwerdeyê ziwan gênê zî rastê probleman yenê. Cinî û domanê kêna bi taybet keye de yenê roniştiş û domanê kêna yenê zewicnayîş.”