
Meclîsê Cinîyan ê DÎKî: Vera ferasetê dînî yê camêrdan ganî cinî gamê pîlan bierzê 

2018-10-16 09:19:22


	&nbsp;

	RIHA - Verfekê Meclîsê Cinîyan ê DÎKî Huda Kaya dîyar kerde ke vera ferasetê dînî yê îqtîdar û camêrdan ganî cinî hemleyê pîl bierzê û wina va: "Birêz Ocalan yew kesêke rayîrê Kongreya îslamî ya Demokratîke û heqîqetî akerd o. Ma wazenê ke ferasetê serdest yê camêrdan ke wazenê cinîyan bikerê kole û cîya vînenê xelas bikerê û azad bikerê."

	&nbsp;

	Rayberê PKKî Abdullah Ocalanî mektub eşrawit Kongreya Îslamî ya Demokratîke (DÎK) ya 10ê Gulana 2014an de Amed de kom bî û bale ante serê yewîya umetê Îslamî û wina vatib: “Ez a bawerî de ya ke tevgerê azadîye ke şima temsîl kenê, vera her tewir netewperestî, dînperestî, zayendperestî û îqtîdarê &nbsp;kapîtalîstan do bibo cayê tewr azad û demokrasîyo radîkal. &nbsp;Ez ‘yewîya netewî’ umetê îslamî yê hemdem bi mana vînena. La no nîno manayê ‘yew dewlet, yew netew, yew beyraqe’. &nbsp;Çepê nê ayeta têkildare de yewîya netewayan yena îfadekerdiş. Ez hêvî û bawerîya xo ya seba ke na kongreya şima berpirsyarîyê xo bîya ra ca, ana ziwan."

	&nbsp;

	'Ganî saltanatê ferasetê dîn û camêrdan peynî bibo'

	&nbsp;

	Verfeka DÎKî û parlamentera HDPî ya Stenbolî Huda Kaya da zanayîş ke Abdullah Ocalan bi perspektîfê xo piştdayîş dayo înan û Hudaye wina dewam kerde: "Bi wefatê Hz. Muhammed dir ferasetê dînî yê îqtîdar û sedestî yê camêrdan vejîyayo meydan û no dir zî ferasetê dîn yê sivîl kewtê binê kontrolê serdestan. Hem welatê bîn yê îslamî û hem zî Tirkîya de problemêke têkilîyê îqtîdar û komelî vejîyenê meydan. Ma eşkenê cinî û merdimê ke nê ferasetê serdest yê camêrd û dînî ra xelas bikerê û azad bikerê. Ma bi perskerdiş eşkenê xo biresnê nuqtaya heqîqetî."

	&nbsp;

	'Şorişêke zîhnîyetî lazim o'

	&nbsp;

	Hudaye dewamê qiseykerdişê xo de da zanayîş ke ‘Birêz Ocalan yew kesê ke rayîrê heqîqet û Kongreya Îslamî ya Demokratîke akerdo' û wina va: "Çîyo ke şexsê Kongreya Îslamî ya Demokratîke de ser vinderto, famkerdişê heqîqetî yo. Na babete de lazimî bi şorişê zîhnîyetî esto. DÎK ganî mîyanê xo de hemkarbîyayîşêke vejo meydan."

	&nbsp;

	Hudaye tewr peyîn qiseykerdişê xo de da zanayîş ke înan sey Meclîsê Cinîyan ê DÎKî qerarê komxebatêke girewtê la hema bi ca nêardê û wina va: "Yew babeta ke vîzyonê bi DÎKî dano qezenckerdiş babeta cinîyan a. Ma wazenê Kurdistan de bi kes û derûdorê cinîyan dir komxebatêke bi ca bîyarê. La ma hema bi ca nêardo. Yew kêmîya ma zî na ya. Ganî ma hemleyê cidî bierzê."

	&nbsp;