Ma do bi xoverdayîş planê Erdoganî veng bivejnî 

2018-10-15 15:39:35


	 

	Tolîn Muhemed

	 

	ŞEHBA - Meclîsê Qezaya Ehdesî yê girêdayeyê Kantonê Şehbaye seba qalîkerdişê kombîyayîşan, rewşa siyasî yê peyên û tecrîdo girankerde bi tewrbîyayîşê şarê qezaya Ehdesî viraşt kombîyayîş awan kerd. 

	 

	Meclîsê Kantonê Efrînî derheqê rewşa siyasî yê peyên û tecrîdo girankerde ke Rayberê Şarê Kurdî Abdullah Ocalanî ser o yeno domnayene de kombîyayîşan viraşt. Meclîsê Qezaya Ehdesî yê girêdayeyê Kantonê Şehbaye seba qalîkerdişê kombîyayîşan, rewşa siyasî yê peyên û tecrîdo girankerde bi tewrbîyayîşê şarê qezaya Ehdesî viraşt kombîyayîş awan kerd. Cinîyê ke tewrê kombîyayîşî bîyî tecrîdo girankerde ke Rayberê Şarê Kurdî Abdullah Ocalanî ser o yeno domnayene bi huşkî şermizar kerdî û vatî: “Ma qetî qebul nêkenî ke dewleta tirkîya ya dagirker tecrîdo girankerde Rayber Apo ser de dewam bikero. Dewleta tirkî ya dagirker şarê Efrînî û kurdan ser de planan virazena. Labelê dewleta tirkî nêeşkena îradeya ma bişikna. Çimkî îradeya ma siyaset û planê aye ra hîna xurt a.”

	 

	'Tecrîdo girankerde şermizar kenî'

	 

	Babete ser o cinîyan ra Rayirberîya Komînê 1. ya Qezaya Ehdesî Henîfe Osman, cinîya binameyê Efyet Ekaş Xelîl, Endama Kongreya Starî Hemîd Hesen û cinîya binameyê Esmehan Mistoye qisey kerdî û qiseykerdişê xo de tecrîdo girankerde ke Rayberê Şarê Kurdî Abdullah Ocalanî ser o yeno domnayene bi huşkî şermizar kerdî.

	 

	'Bawerîya ma bi şervananê azadîye esta'

	 

	Cinîyî qiseykerdişê xo de tecrîdo girankerde ke şermizar kerdî û wina vatî: “Cinîyî do heta peynî fikr û felsefeya Rayber Apoyî taqîp bikerî û seba azadîya Rayber Apoyî têkoşîn bidî. Dewleta tirkî bi hêrişanê xo nêeşkena şarê kurdî çin bikera û seba agêrayîşê Efrînî lazimî bi têkoşînê hema kesan esta. Cinîyê Efrînî bi fikr û felsefeya Rayber Apoyî cuyenî. Cinîyî do heta peynî seba agêrayîşê Efrînî xover bidî. Dewleta tirkî bi hêrişan nêeşkena îradeya ma bişikna. Îradeya ma hêrişanê aye ra hîna xurt a. Ma tecrîdo girankerde ke Rayber Apoyî ser o yeno domnayene û cezaya dîsîplînî ke 6 aşman ameya dayîş şermizar kenî. Bawerîya ma bi şervananê azadîye esta. Şervanê azadîye do Efrînî rizgar bikerî û heme kesî do agêrî herra xo ser.”