Rewşa hepsîya nêweşe giran a: Keye do muracatê CPT bikero 

2018-10-12 15:48:45


	 

	AMED - Hepsîya nêweşe Mevlude Başdaşa ke hepisxaneyê Şakranî de manena û sera 86 raporê aye astengdarî esto, pêwa nê nîna veradayîş. Lajê aye Metîn Başdaşî dîyar kerd ke ê cuya maya xo ra enîşeyîn ê û va do muracatê CPTyî bikerê.

	 

	Dayîka Aştîye Mevlude Başdaşa ke sera 86 astengdara û nêweşa giran a, hepisxaneyê cinîyan ê Şakranî yê Îzmîr de yena tepiştiş û rewşa aye roj bi roje giran bena. Lajê aye Metîn Başdaşî dîyar kerd ke tewr peyîn roja îna vîyarte de maya xo dir telefon de qisey kerdo û va rewşa aye baş nîya û va do muracatê CPTyî bikerê.

	 

	Metînî da zanayîş ke xeylê nêweşîyê maya ey sey qelb, şekir, gurçik û tansiyon estê, heto bîn ra hepisxane de zî bi nêweşîya astimî kewta û va Nêweşxaneyê Cêgirayîş û Perwerdeyê Gazî Yaşargîl ê Amedî raporê sera 86 astengdara girewtê.

	 

	'Ma cuya aye rê endîşeyîn ê'

	 

	Metînî wina va: "Pêwa nê problemê cidî yê weşîye hepisxane de esîr yena girewtiş. Ma cuya aye ra endîşeyîn ê. Ganî bi lezgînî serbest bêra veradayîş. Îdarekarê hepisxaneyî bi hepsîyê nêweşan dir eleqeder nêbenê. Nêweşîya maya mi aver şîya. Kesêke rewşa wina de mimkin nîyo ke hepisxane de bimano. Verê neqlê gurçikan seba maya mi kerdibî. Verê nê de nêweşa şekir û tansiyonî ya."

	 

	Metînî dewam de wina va: "Aşma Gulane de ez şîya pêvînayîşê maya xo û vatî ê berdê sazgehê Tipê Edlî. La raporê aye de rojê vîyarte de ame vînayîş. Rapor de zî yeno vatiş ke eşkena hepisxane de bimana. Doktorê ke rapor danê zanê ke maya mi nêeşkena hepisxane de bimana. Eynî wextî de raporê aye sera 86 astengdar a zî esto. Gelo no nakokîyê mabêne raporan de çî yo?"

	 

	Ez do muracatê CTP bidî

	 

	Metîn tewr peyîn qiseykerdişê xo de bale ante ser  rewşa heme hepsîyê nêweşan ê Tirkîya û va rewşa înan her ke şina xira bena û va na rewşe înan kena endîşe û va do muracatê Komîteyê Vernîgirewtişê Îşkenceyê Konseya Ewropayî (CPT) bidê.