Dosya domana ke rastê îstîsmarî amî do berê Dadgeha Destûrê Bingehîn 

2018-10-12 15:02:38


	 

	Habîbe Eren

	 

	ENQERE - Seba domana 16 serrî netîceyê îstîsmaro zayendî de diganî mende û bêra zewicnayîş, ‘dewaya destûrî’ Dadgeha Keyeyî de amî vînayîş. Komîsyonê Taqîbkerdişê Heqê Domanan ê Baroyê Enqereyî ke dewa taqîb keno, seba betalkerdişê maddeyê 124in yê Kanûno Medenî ke destûr dano zewacê domanan, waşt ke muracatê Dadgeha Destûrê Bingehîn bêro dayîş.

	 

	Domana 16 serrî Sazgehê Starbîyayîşê Domanan de mendêne û netîceyê îstîsmarî de digane mende, seba ke bêra zewicnayîş dewa destûrê 4in Dadgeha Keyeyê Enqere de ame vînayîş. Heyetê dadgehe dewa taloqê 20ê teşrîna verêne kerd û endamê komîsyonê Taqîbkerdişê Heqê Domanan ya Baroya Enqereyî avûkat Hîlal Çelîke dîyar kerde ke dosyaya derheqê gumanbar de zî bi 'bêtaqîbkerdişî' netîce bî. Ma sey Baroya Enqere verê keyeyî ke vatî ‘ma eşkenê biewnê domana xo ra. Ma destur nêdenê zewacê aye. Feydeyê ci domane ma rê çin o' mudaxîlê dosya bî. Hîlale da zanayîş ke warê mîyannetewî emrê zewacî ganî 18 bo û zewaco emrê 16 û 17yî de îstîsmar û tedayê domane rê yo. Hîlale ard ziwan ke seba betalkerdişê nê qerarî muracatê Dadgeha Destûrê Bingehîn dayê.

	 

	Hîlale da zanayîş ke Sazgehê Starbîyayîşê Domanan ke beşdarê dosya bîyê bi het têgeyrayê û va seba feydeyê domane waştiş kerdê ke ganî hetê pisporan ra rapor bêro girewtiş û roniştiş de zî do qerar bêro dayîş ke beşdarê dewa benê ya nê. Heto bîn ra Hîlale da zanayîş ke qerarê dadgehe derheqê domane de bêro dayîş zî zaf girîng o.