'Ganî ma keda destê xo rê wayîr vejîyê' 

2018-10-12 14:13:21


	 

	Ronîda Hacî 

	 

	QAMIŞLO - Cinîya bi nameyê Şînda Ehmê emrê qij ra hunerê destan rê eleqedar bena û vana: "Keda destan xeylê pîroz a. Ganî ma keda destê xo rê wayîr vejîyê."

	 

	Şînda Ehmê emrê qij de bi hunerê destan rê eleqedar bena û wina  debara xo kena û va: "Tarîx ra heta nika cinîyan her wext rayber,ya kultur û hunerî kerdê. Ez zî nika ra karê hunerê destan kena û eynî wextî de debara xo kena. Ez hem debara xo kena û hem zî hunerî rê xizmet kena."

	 

	Şîndaya 39 serrî û maya 3 domanan va: "Ez lûfik, qazax, papîk, êleg viraznena û sûka Qamişlo de roşena. Ez bi keda destê xo domananê xo zî wayîr kena. Seba ke ez bi keda destê xo çîyê baş û weşik viraznena û kesê ke gênê zî girîngî danê nê çî. Pawitişê kulturî wexto ke xizmet yeno kerdiş ez kêfweş bena."

	 

	'Gerek ma keda destê xo rê wayîr vejîyê'

	 

	Şîndaye bale ante ser wayîrvejîyayîşê keda cinîyan û qiseykerdişê xo wina qedêna: "Xebat seba merdiman sey bazinêke zerdîn a. Keda destan xeylê pîroz a. Ganî ma girîngî bidê xebate û ganî ma keda destan rê wayîr vejîyê. Tarîx ra heta nika cinîyan her dem rayberîya kultur û hunerî kerdê. Ez zî nika karê hunerê destan kena û eynî wextî de debara xo kena. Ez hem debara xo kena û hem zî hunerî rê xizmet kena. Ez veng dana heme cinîyan ke bi keda destê xo serê lingan de bimanê û destê xo verê tu kesî de anêkerê."