
'Gurbetelî hêvîya têkoşînê yê warê rojnamegerîye bî' 

2018-10-07 12:32:57


	&nbsp;

	Şêrîn Zêrevan

	&nbsp;

	QAMIŞLO - Derheqê 7ê Teşrîna Verêne Roja Rojnamegerîya Cinîyan de xebatkara Ronahî Tvyî Xezne Nebî dîyar kerde ke ê do her heqîqetî taqîb bikerê û neql bikerê û va: "Gurbetelî hêvîya têkoşînî yê warê rojnamegerîye bî. Ma do rayîrê aye de şêrê û her heqîqetî taqîb bikerê û neql bikerê."

	&nbsp;

	Roja 7ê Teşrîna Verêne şehadetê Gurbeteli Ersoz sey Roja Rojnamegerîya Cinîyan yena pîrozkerdiş. Derheqê 7ê Teşrîna Verêne de xebatkara Ronahî Tv Xezne Nebî va: "Yew maddeya tew sereyîn aya ke heqîqetê şorişê cinîyan bêro neqlkerdiş. Ma do zî her heqîqetê şorişê cinîyan neql bikerê."

	&nbsp;

	Xezneye va: "Tarîxê neqlkerdiş û rojnamegerî zaf kan a. Gurbeteli warê keda rojnamegerîye de xeylê bi erj a. No semed ra ê hewl danê ke mîrasê aye dewam bikerê. Nika mîyanê xebatên çapemenîye de bi seyan cinî cayê xo gênê û rayîrê Gurbetelî taqîb kenê. Heto bîn ra wexto ke DAÎŞî hêrişê Rojawan kerd ma sey rojnamegerê cinîyê Kurdan bi zerrî û gan têkoşinê neqlkerdişê rastî kerdî. Ma do her têkoşînê neqlkerdişê rastî dewam bikerê."

	&nbsp;

	'Gurbetelî hêvîya têkoşînê warê rojnamegerîye bî'

	&nbsp;

	Xezneye qiseykerdişê xo wina qedêna: "Şehîd Dilîşan Îbiş û Şehîd Nûjiyan Erhan, Şehîd Deniz Firate zî warê neqlkerdişê rastî û heqîqetî de ganê feda kerdî. Ma do her wext taqîbkerdoxê înan bibê. Gurbeteli hêviya têkoşînî yê warê rojnamegeriye bî. Ma do rayîrê aye de şêrê û her heqîqetî taqîb bikerê û neql bikerê. Yew maddeyê sereyîn aye ke heqîqetê şorişê cinîyan neql kerdê. Ma do zî her heqîqetê şorişê cinîyan neql bikerê."

	&nbsp;