Wargehê Berxwedanî de serra newe ya perwerdeyî dest pêkerd 

2018-10-05 09:16:21


	 

	Tolîn Muhemed

	 

	ŞEHBA - Seba domanê Efrînî yê Şehba de startê serra newe ya perwerdeyî yê newe ame dayîş. Serra perwerdeyî ke seba şert û mercan erey dest pêkerd, 11 sinifan de 450 wendekarî do bi ziwanê Kurdî, îngîlîzî, Fransî û Erebî dersan bivînê.

	 

	Perwerdeyê Komeleyî Demokratîke (KPC) semedê domanê ke seba hêrişê TSK û komê girêdayê ci ra remabî mintiqaya Şehbayî, serra perwerdeyê newe de dest pêkerdî. Bernameyê wargehê Berxwedan de ame dayîş de startê perwerdeyê newe ame dayîş û coş û kelecanê domanan rîyê înan ra ame vînayîş. Pêwa şertê zehmet do 450 wendekar emsar perwerdeyî bivînê. Wargehî de 11 sinifî estê. Derheqê perwerdeyî de endamê KPCî şîrove kerdî.

	 

	'Ma seferberîyê perwerdeyî da destpêkerdiş'

	 

	Endama KPCî ke û eynî wextî de mamosteya zî Şerîvan Osu dîyar kerde ke înan şahidîyê qetilkerdişê xeylê kesî kerdê  û no semed ra bi seyan merdimî mecbur mendê ke koçê Şehba bikerê û va: "Domanî mekteban ra dûr ameyî vistiş. No semed ra ma Şehba de serra perwerdeyî newe da destpêkerdiş. Sey komîteyê perwerdeyî wezîfeyê ma yê serreyîn a bi ke ma mekteban akerê. Serra newe perwerde dest pêkerd. Sinife yewin ê mektebî ra heta lîse sinifê ma estê. Sinifê 7an ra dima mufredat de biyolojî, sosyolojî, jîneolojî û kultur-ahlaq, matematîk û zanistê komelî yenê zêdekerdiş."

	 

	'Ma xoverdayîşê xo dewam kenê'

	 

	Meryem Hebîp zî ke mamosteya arde ziwan ke domanî zaf kêfweş bîyê û wina va: "Sebebê erey destpêkerdişê dersan, hema mektebî temam nêbîbî. Şer zaf zehmet o. Erey bo zî ma akerd. Ma tîya xoverdayîşê xo dewam kenê."

	 

	Wendekerê bi nameyê Fatma Muhemmed û Hemîd Hisên ke Efrîn de embazê înan verê çimanê înan de ameyî qetilkerdiş, dîyar kerdî ke seba ê bi ziwanê xo perwerde vînenê zaf kêfweş ê.