
Cigêrayîşê cayê hedîse badê 7 aşman ame kerdiş 

2018-10-03 13:37:50


	&nbsp;

	ŞIRNEX - Taxa Cûdî ya qezaya Cizîrî ya Şirnexî de Ayşenur Geçîta 7 serrî û Harun Çagliyo 4 serrî teqayîşo ke maebî cuyayîş de cuya xo vînî kerdbî û dosyayê înan demvîyartişî ra ame eradayîş. Zabitnameyê dosya de yeno dîyarkerdiş ke cigêrayîşê cayê hedîse badê 7 aşman ameyo kerdiş û tespîtkerdişê nasnameyê kesê şikinan mumkun nîyo.

	&nbsp;

	Ayşenur Geçîta 7 serrî û Harun Çagliyo 4 serrî prosesê qedexeyê tebervejîyayîşî yê Cizîrî de cuya xo vînî kerdî û dosyayê înan bi mehneya ‘lazimî bi cigêrayîşî çin o’ ame padayîş.

	&nbsp;

	30.03.2016î de raşteyê Yaman ya taxa Cûdî ya Cizîrî de raşteyêko venge de di domanî kayî kerdêne û teqayîş pê ame. Netîceyê teqayîşî de Ayşenur Geçîta 7 serrî û Harun Çagliyo 4 serrî cuya xo vînî kerdî. Ayşenur mil û çaqeyanê x ora û Harun zî sereyê xo ra derb girewtbî. Hedîse ra dima tehqîqat dîya destpêkerdiş û aşmanê verênan de qerarê ‘cigêrayîşê daîmî’ kerdoxênedîyarî ra ame veradayîş.

	&nbsp;

	Badê 7 aşman cayê hedîse de cigêrayîş ame kerdiş

	&nbsp;

	Zabitnameyê dosya de tena ca dîyayo îzehetêko yew paragrafî ra pê yeno rê. Zabitname de yeno vatişş ke cayê hedîse de kamera çin o û şahidê hedîse zî çin î. Cok ra berpirsîyarê hedîse nêameyî dîyiş. Ame vatiş ke hedîse ra 7 aşmî dima cayê hedîse de cigêrayîş ameyo kerdiş û cok ra berpirsîyar nêameyî tespîtkerdiş.&nbsp;