Cigêrayîşêke balkêş: Çira şima viraştişê pirdî tesdîq kerd? 

2018-10-02 09:21:11


	 

	Hîkmet Tunç

	 

	WAN - Qayûmo ke tayînê Şaredarîya Bajarê Gird ya Wanî bi derheqê 500 endamê meclîsî de seba ke viraştişê pirdî ke ser waştişê şarî de amebi viraştiş, cigêrayîş ame kerdiş. Derheqê pirdo ke eynî mewqîyê ke hetê Îdareyê Taybet yê Merkezî ra ameyo viraştiş de tu cigêrayîş nêame kerdiş. Heto bîn ra persê trajîkomîk ameyî perskerdiş.

	 

	Dimayê ke qayûm tayînê şaredarîya bajarê Gird ya Wanî bi dima hetê serdozgerîya komara ya Wanî ra derheqê hemşaredaran, endamê meclîs û xebatkarê şaredarî de xeylê cigêrayîş ameyî akerdiş. Yê ke nêameyî tepiştiş, hewte ra di rey seba îfade vendenê.

	 

	'Şima çira viraştişê pirdî tesdîq kerd?'

	 

	Yew xebata ke bî babeta cigêrayîşî Pirdê Koruklu Vadî yê qezaya Şaxî bi. La pirdo ke Îdareyê Taybet yê Merkezî viraşto cigêrayîş nêameyo akerdiş. La derheqê viraştişê pirdo ke Teşrîna Peyêne 2014an de Şaredarîya Bajarê Gird ya Wanî de ameyo dayîş de endamê meclîsî yê beşdarê kombîyayîş bîyê cigêrayîş ame akerdiş.

	 

	Çarçeweya cigêrayîşî de 19 ci ra cinî  50 endamê meclîsî yew bi yew vendenê TEMê Wanî û îfadeya înan girewtî.

	 

	Kesê ke vernê de vendayî îfade yew ci ra endama Meclîsê Payîzava Handan Karakoyun bî. Handane dîyar kerde ke înan serê waştişê şarî pird viraştê û pird 10 kîlometre qeza ra dûrî yo û nêzdîyê emnîyet û cendermeyan o. Handane arde ziwan ke persê ‘şima bi îradeyê xo kombîyayîş viraşt?' pers kerdê û da zanayîş ke aye sey kesêke ameya weçînayîş û waştişê şarî bîyara bi ca.

	 

	Handane tewr peyîn qiseykerdişê xo de da zanayîş ke xizmetê derheqê şarî de suc nîyê û va cigêrayîş derheqê 50 endamê meclîsî de ameyo akerdiş.