
'Ma seba azadîya înan her çî bikerê' 

2018-10-02 09:19:43


	&nbsp;

	Berîtan Canozer

	&nbsp;

	AMED - Ece Gokdaga ke hepisxaneyê Bakirkoyî de manena, dewaya ke 3 serrî yena muhakemekerdiş 7 serrî û 5 aşmî ceza girewte. Waye aye Zehra Gokdage &nbsp;dîyar kerde ke dosya de çîyêke delîlê sucî bêrê hesibnayîş çin ê û veng da keyeyê hepsîyan ke seba hepsîyan çi destê înan ra bêro bikerê.

	&nbsp;

	Hepisxaneyan de îhlalkerdişê heqan her ke şino tewr zêde beno. Yew hepsîya ke rastê îhlalkerdişê heqan ameya Ece Gokdaga ke hepisxaneyê cinîyan ya Bakirkoyî de manena. Ece bi surgun eşrawitî hepisxaneyê Bakirkoyî û xeylê rey beşdarê roniştişê Edlîyeya Amedî nêbî. Pêwa ke 3 serran amî muhakemekerdiş zî Gulana 2018an de sûcê ‘endamîya rêxistine û propangadakerdiş' 7 serre û 5 aşmî cezaya hepsî dayî.

	&nbsp;

	Waya Eceye, Zehra Gokdage &nbsp;derheqê babete de qisey kerde û veng da keyeyan: "Wa keyeyî mehkumê qedera xo nêbê. Seba azadîya înan ma her çî bikerê."

	&nbsp;

	'Delîl çin o bi 3 serrî ya hepisxane de ya'

	&nbsp;

	Ece hepisxane de xeylê rastê îhlalkerdişê heqan amî û cezayê dîsîplîn, hucre û neqlkerdişî amî. Waya aye Zehraye wina va: "Xeylê kes pêwa ke dosya înan de delîl çin o zî yenê tepiştiş. Ece bi 3 serrî tewqîfkerdeya. Amed ra berdî Bakirkoy. Ma sey keye wexto ke şinê pêvînayîş ma rastê nêzdîyê teda yê gardîyanan yenê. Eke wina nêzdîyê ma bibê gelo senîn nêzdîyê hepsîyan benê. Endîşeyê ma estê. Ece hedîseyan cuyena la ma ra zêde nêvana. Aye nêvaja zî ma fam kenê. Avûkat seba tahlîyekerdiş îtîraz kerd la îtîraz nêame qebûlkerdiş. Ma nika Dadgeha Destura Bingeyîn bidê. Ma zanê ke ma do netîceyêke nêgîrê la çi destê ma ra bêro ma do bikerê."

	&nbsp;

	Zehraye peynîya qiseykerdişê xo de veng da heme keyeyan ke seba hepisxaneyan têkoşîn bikerê û çi destê înan ra bêro bikerê.

	&nbsp;