
MA Musîc de wexto newe dest pêkeno: Amancê şima muzîk bo ma tîyayê 

2018-10-01 09:20:03


	&nbsp;

	Berîtan Canozer

	&nbsp;

	AMED - MA Musîc de ke perwerdeyê muzîko bi kurdî dano û rastê eleqeyêke pîl ê domanan yeno de wextê neweyî qeydan dest pêkerd. Sarya Yîgîte veng da ciwan û va ê her kesî pawenê.

	&nbsp;

	MA Musîc Center ke Amed de Adara 2016an de ame akerdiş, xebatê xo yê seba ciwan û domanan dewam keno. Wextê newe yê qeydan ame destpêkerdiş. Sarya Yîgît Cengîza ke kona ya dersê rîtîmî qalê xebate kerde.

	&nbsp;

	&nbsp;'Xeylê beşê qursê ma estê'

	&nbsp;

	Saryaye arde ziwan ke her beşê muzîkî de derse danê û akademîyê domanan heta akademîyê pîlan gorey her emrî bername estê. Sarya wina va: "Hem orkestraya têmîyankerde hem ê domanan û hem zî cinîyan esta. Verê nînan de qursê saz, gîtar, pîyano, keman û xeylê bîn estê.

	&nbsp;

	Saryaye dewam de arde ziwan ke ê eynî wextî de dersê rîtîmî zî danê û va bi 29 mamosteyî dir xebityenê, verê nê mamosteyan de asîstan estê, hîn konê dersan.

	&nbsp;

	Her emrî ra wendekar estê

	&nbsp;

	Saryaye da zanayîş ke wexto ke dersan danê tena xo zanayîşê pratîk de sînor nêkenê û teorîyê muzîkî zî danê û wina va: "Ganî felsefe û komalnasîyê zî bêrê musnayîş. Verê nê de ma perwerdeyê vengî zî danê wendekaran. Xêrcê sinifê qursan, akademîyê ma zî estê. Ma seba akademîya domanan mabêne emrê 6-14an de domanan gênê. Akademîya pîlan de zî mabêne 16-34 de ya."

	&nbsp;

	Sarya da zanayîş ke keyeyî seba qursan muracat kenê û va nê qursan zî kerdê di beş û bi domananê xo dir beşdar benê.

	&nbsp;

	'Perwerdeyê Kurdî bala keyeyan ancena'

	&nbsp;

	Saryaye qiseykerdişê xo wina qedêna: "Dersê ma Kurdî yê zî. Nê prosesan de amancê ma o yo ke ma kultur û ziwan bidê cuyayîş. Qadê ke ma bi ziwanê xo perwerde bivînê mixabin xeylê kêm ê. Tena mektebê taybet di saetan derse yena dayîş. No semed ra dersê Kurdî bala ciwanan ancena. Qeydê ma yê wextê newe dest pêkerdê. Ma serê çapamanîya komelî de xeylê xo danê naskerdiş. Verê nê de muracatî zaf ê. Nika 470 wendekarê ma estê la 550 kes zî muracat kerdê û pawenê. Ma veng danê heme kesan ke amancê înan muzîk bo ganî muracatê MA Musîc bikerê."

	&nbsp;