Cizîrî de siyaset qedexe yo û tîryak serbest o! 2018-09-30 15:14:53   ŞIRNEX - Qezaya  Cizîr de xebetnayîşê tîryakî her ke şona zêde bena û welatî bi şikin î. Seba ke qeza de merkezê dermankerdişî çin o zî kesê ke wazenî tedawî bibî şonî teberê qeza. Na  çarçewe de kesê ke yenî tepiştiş zî badê yew di rojan serbest yenî veradayîş. Welatî dîyar kerdî ke polîsî vatî ‘siyaset mekerên, şima çina kenî bikerên.’   Qezaya Cizîrî ya Şirnexî de xebetnayîş û herînayîşê tîryakî her ke şona hîna zêde bena. Seba ke qeza de merkezê dermankerdişî çin o zî kesê ke wazenî tedawî bibî şonî teberê qeza. Na çarçewe de kesê ke yenî tepiştiş zî badê yew di rojan serbest yenî veradayîş. Welatî dîyar kerdî ke polîsî vatî ‘siyaset mekerên, şima çina kenî bikerên.’   Cizîrî de badê qedexeyê tebervejîyayîşî her ca de xebetnayîşê tîryakî zêde bî û ti tedbîrî nînê herînayîş. Welatîyê Cizîrî rewşe vera şikinî û aşmê peyênan de 2 ciwanê 16 û 18 serre tîryakî vera cuya xo vînî kerdî.   Qereqolî çi karî kenê!   Qeza bi qerekol û noqtaya polîsan ameya piştiş û her taxêk de qerekolêk esto. Her çiqas ke hende qerekol û noqtaya polîsan bibî zî vernîya xebetnayîşê tîryakî nîna girewtiş. HDP aşmanê peyênan de babete ser o pêşnîyazê persî da meclîsî ro. Abîyayîşê mekteban ra şikê welatîya zêde bî û çapemenîya hewzî de xeberê sey ‘operasyonê girdî yê tîryakî: 21 kesî ameyî tewqîfkerdiş’ ameyî weşênayîş.   'Ma da polîsan, polîsan înan vera da'   Babete ser o domano bi nameyê B.A.yo ke 16 serrî yo û taxa Nurî de ronişeno qisey kerd û va: “Xeylê embazê mi bi tîryakî merdî. Ma bi desan kesan tepişt û teslîmê polîsan kerd. La badê di rojan ameyêne serbest veradayîş. ma polîsan ra vanê şima înan çira veradanî? Ê  ma ra vanî ‘wa siyaset nêkerî, çina kenî wa bikerî.’