
'Şîyayîşê înan nêzdî yo, na rey ê do bêrê îxrackerdiş' 

2018-09-29 14:08:27


	&nbsp;

	AMED - Elîf Turana ke dimayê bi KHK amî îxrackerdiş, la têkoşînê xo ya kede dewam kena dîyar kerde ke şîyayîşê kesê ke ê îxrac kerdê nêzdî yo û va na rey yê ê kesê ke înan îxrac kerdê do şêrê.

	&nbsp;

	Elîf Turana ke Beşê Têkilîyê Şarî ya Şaredarîya Bajarê Gird ya Amedî de xebityayne bi KHK ra karê xo ra amî îxrackerdiş û nika seba debara xo bikera, keyeyê xo açernaya kargerî. Elîfe bi awa henare û nebatan warê îstîhdamê xo awan kerdê, têkoşînê xo ya kede zî dewam kena.

	&nbsp;

	'Ma sere nêtewêna'&nbsp;

	&nbsp;

	Elîfa ke 10 serran şaredarî de xebityaya wina va: "Ma şar bi serran o rastê zulmê dewlete yenê. No zî hemleyê zulmî yê newe yo. No zî kerdî la ma sere nêtewêna. La şîyayîşê kesê ma îxrackerdî zî nêzdî yo. Na rey zî bêrê îxrackerdiş ê yê."

	&nbsp;

	'Seba îxracî muracatê mi bê netîce mend'

	&nbsp;

	Elîfe da zanayîş ke seba ameya îxrackerdiş demêke derg seba kar muracat kerda la tu muracatê aye nêameyê qebûlkerdiş û wina dewam kerde: "Ma zî cayêke ra cewabêke pozîtîf nêgirewt. Yê ke vînayî ma îxrac bîyê kar nêdayî ma. Mi zî qerar da ez karê xo awan bikerî. Riha de cinîyan nebat rotêne. Mi zî cinîyê Riha ra nebat girewt û ard Amed. Cinîyê ke mi înan ra nebat û awa firingiyan girewtêne, debara xo pê nê yan kenê. Mi hesabê çapemenîya komelî akerd. Destpêk de cîranê mi, xeylê kesî lazimîyê xo mi ra gênê. Gerek tu kes hêvîyanê xo vindî nêkero. Cinî zaf xurt ê. Eşkenê debara xo bikerê."

	&nbsp;

	&nbsp;