Çîyê ke Îmralî ser benê normal nîyê: Beno ke siba erey bo 

2018-09-28 11:52:53


	 

	ŞIRNEX - Pero Dundara HDPyije dîyar kerde ke tecrîdê vera Abdullah Ocalanî vera şarê Kurdî yo û wina va: "Nêzdîbîyayîşê DYA, Rusya û Tirkîya girêdayê no tecrîdî yo. Serê çinkerdişê kurdan de tifaqê lêşin ameyî kerdiş. Siba çîyêke cîya vejîyo ma do erey bimanê, seba nê ganî çîyo lazim ma bi lezgînî bikerê. Gerek ma caardiş normal nêvînê. Ma bêveng nêmanê."

	 

	Tecrîdê serê Rayberê PKKî Abdullah Ocalanî de dewam keno û waştişê pêvînayîşê keyeyî û avûkatan her wext bi sebebê ‘muxalefetê hewayî, koster xerabeya’ , ‘cezaya dîsîplînî esta' yenê redkerdiş. Vizîrî zî DMMEyî muracato ke avûkatan seba îşkenceyê 2010an de kerdib zî red kerd. Tewr peyîn êlula 2016an de zanayîş Abdullah Ocalanî ra amebi girewtiş. Parlamentera HDPî ya Mêrdînî Pero Dundare arde zîwan ke ê nêzanê Îmralî de çi yeno cuyayîş û veng da heme rêxistinê komelê sivîl û heqê merdiman kerdî.

	 

	'Tecrîd girêdayê nêzdîyê DYA, Rûsya û Tirkîya yo'

	 

	Pero arde ziwan ke tecrîdê serê Abdullah Ocalanî vera şarê Kurdî yo û va vera şarê Kurdî sûcê merdimayî yeno kerdiş û wina dewam kerde: "Wazenê komelê Kurd parçe  bibo û krîzo sîyasî kûr bibo. Tifaqê AKP-MHPyî wazeno vejîyayîşê çeteyan lezgîn bikero. Hetêke ra tecrîd, heto bîn ra zî seba kesê kesê mafya û tecawizkeran efû yena vetiş. Nê merdiman beşdarê mîyanê komelî kenê. Heto bîn ra zî tecrîd tewr giran kenê. No heme sîyasetê şerî ra cîya nîyo. Girêdayê nê serê Rojawanê Kurdistanî, serê başurê Kurdistanî de sîyasetê şerî yeno meşnayîş. Nê heme girêdayê tecrîdî yê."

	 

	'Îmralî de rewşêke cîya yeno meşnayîş'

	 

	Pero heto bîn ra da zanayîş ke xoverdaîşo ke Îmralî de yeno dayîş zî bi cezaya dîsîplînî yeno cewabkerdiş û wina va: "Vanê ‘ma do Efrîn de dest pêbikerê. Ma do şêrê heta mintiqayê bîn yê Kurdistanî'. Asîyeno ke serê Kurdan de tifaqê lêşin yenê meşnayîş. Serê statuyê Kurdan de tifaqê taybet yenê awankerdiş. Îmralî de rewşêke cîya yeno cuyayîş. Uca xoverdayîşêke esto û cezaya dîsîplînî danê. Seba şert û merc cîyayê cezayê dîsîplînî yenê dayîş. Ez veng da heme rêxistinê komelê sivîl û rêxistinê heqê merdiman. Hema ke erey nêmendê ma bikoy tevger. Gerek şarê Kurd bêveng nêmano."