Qatilê Ceylane nêameyî vînayîş 

2018-09-27 14:11:27


	 

	Şehriban Aslan 

	 

	
		AMED - Qezaya Licê ya Amedî ra girêdaye dewa Xiraba de 28ê êlula 2009î de Qereqolê Tapantepe ra guleyê hewanî amebî eştiş û netîceyê eştişê guleyî de Ceylan Onkola 12 serreyî ke heywananê xo çerênayêne, ameybî qetilkerdiş. Hedîse ra dima keye şîbî cayê hedîse û cesedê parçe parçebîyaye yê Ceylane arê dabî. Keye muracatê dozgerîya Licê kerdbî, la dozger bi mehneya ‘asayîş çin o’ 3 rojî ra dima ame cayê hedîse.
	
		 


	Derheqê kesê şikin de bi sucê ‘Wezîfeyê xo xirab xebetnayî’ tehqîqat dîya destpêkerdiş. Dozger 2013î de derheqê doze de qerarê bêtaqîbî da. Serdozgerîya Licê dîyar kerde ke delîlê ke dosya de yî kêmî yî û 30ê nîsana 2014î de seba dosya ‘Qerarê gêrnayîşê daîmî’ daye.

	 

	Keyeyê Ceylane fek doza xo ra veranêdanî û doze kiriştî Mehkemeya Heqê Merdiman ya Ewropa (AÎHM), labelê herçiqas ke doze kirişîyaya AÎHMî zî, zext û tedayî keyeyî ser de dewam kenî.

	 

	Fek têkoşînê xo ra vera nêda

	 

	Herçiqas ke 9 serrî hedîser ser ro derbaz bîyî, labelê heta nika hetê huqûqî de gamêkî daxî nêameya eştiş û ti averşîyayîş çin a. Dayîka Ceylane, Salîha Onkole dîyar kerde ke bi serran o têkoşînê edaletî dana û dewlete seba ke hedîse bigîra çina destê aye ra ameya kerda, la ez do fek têkoşînê xo ra vera nêda.

	 

	Wa sewbîna domanî nêmirî

	 

	Salîha qiseykerdişê xo de wina va: “Hende serrî derbaz bîyî, labelê hîna zî berpirsîyarî nêameyî mehkemekerdiş û înan ra hesab  nêame perskerdiş. Bi desan reyan polîsan eşto keyeyê ma ser de. Dewe ameye bombekerdiş. Wa sewbîna domanî nêmirî. Ez do fektêkoşînê xo ra vera nêda.”