Do cinî heta peynî seba heqê cinîyan û azadî têkoşîn bikerê 

2018-09-26 11:33:03


	 

	Dîlber Mihemed

	 

	SERÊKANIYÊ - Îdarekara Komunê Şehîd Zerdeştî yê bajarê Serêkanî Emîna Xalide dîyar kerde ke cinî rolêke sereyîn û bi hêz awan kerdî û perwerdeyê komelî de kay kenê. Cinîyê ke komunan de xebityenê zî eynî wextî de seba komelê ke weş aver berê mîyanê xebatan de yê.

	 

	Îdarekara komînê Şehîd  Zeredeştî Emîna Xalide ke bajarê Serêkaniyê girêdayê Kantonê Hesekî ya Mintiqaya Cizîrî de derheqê kar û xebatê cinîyan ê mîyanê komînan de kenê ewnîyayîşê xo arde ziwan.

	 

	Emîne Xalide dîyar kerde ke girîngîyêke pîl ê komînan rêxistinkerdişê komelî de xo dano teber û wina va: "63 komunê xoser ê bajarê Serêkanî estê, eynî wextî de temamê komunê pêroyî de ca gênê û rolêke giring kay kenê. Cinî temamê xebatê xo seba xizmetê komelî kenê."

	 

	'Heta azadîya cinîyan do têkoşîn dewam bikero'

	 

	Emînaye qiseykerdişê xo de arde ziwan ke cinî karêke balkêş û bi rêxstinkerde zereyê komunan de kenê û wina va: "Pêwa ke hema beşêke komelî ameyê sewîyeya fikrê azadîye, labelê xeylê şarî bi heme neteweyan ra destpêkê Şorişê Rojawanê Kurdistanî xebatêke giring û bi mana seba komelê xo û seba heqê heme cinîyan dayê meşnayîş. Cinî rolêke sereyîn awankerdiş, averşîyayîş û perwerdekerdişê komelî de kay kenê."

	 

	Emînaye qiseykerdişê xo wina qedêna: "Heta peynî do cinî berardişê xo û hêzê xo û yê domananê xo bikerê xizmetê komelî seba azadî û seba ke heme cinî azad bicuyê do têkoşînê xo dewam bikerê."