Domanê Selamete wazenî agêrî Nisêbîn 

2018-09-24 14:07:32


	 

	ŞIRNEX - Qezaya Nisêbînî ya Mêrdînî de prosesê qedexeyê tebervejîyayîşê kuçeyan de bi desan sivîlî bîyî hedefê bombe û guleyan û netîceyê hêrişan de cuya xo vînî kerdî. 13ê teşrîna peyêne ya 2015î de cinîya cinîya bi nameyê Selamet Yeşîlmene (44) fekê berê xo de bîbî hedefê guleyan. Domanê Selamete 3 serrî yo ke paweyê agêrayîşê Nisêbînî yî.

	 

	Qezaya Nisêbînî ya Mêrdînî de prosesê qedexeyê tebervejîyayîşê kuçeyan de bi desan sivîlî bîyî hedefê bombe û guleyan û netîceyê hêrişan de cuya xo vînî kerdî. 13ê teşrîna peyêne ya 2015î de cinîya cinîya bi nameyê Selamet Yeşîlmene (44) fekê berê xo de bîbî hedefê guleyan. Fotografê Selameta ke amebî qetilkerdiş hema vînî kesêk ra nêşîyo. 5 domanê aye estbî û 2 domanê aye zî eynî roje de birîndar bibî. Keyeyê Selamete qetilkerdiş û rijnayîşê keyeyê înan ra dima qeza ra koç kerdî Hezex û 3 serrî yo ke paweyê agêrayîşê Nisêbînî yî.

	 

	'Dayîka mi zî xo ante hetê keye'

	 

	Babete ser o kênaya Selamet Yeşîlmene Halîse Yeşîlmene qisey kerde û dîyar kerde ke dayîka aye seba nanê tenûre û yemê heywanan vejîyabî tebere.

	 

	Dayîka mi seba werdê heywanan şîye baxçe

	 

	Halîse qiseykerdişê xo de wina va: “Nanê ma nemenbî. Tenûra ma hewşê keyeyê ma de bîye. Dayîka mi seba werdê heywanan şîye baxçe. Senî ke şîye vengê leşkeran ame. Way û birayê mi zî aye reyde şîbî. Gule ginabî dayîk û birayê mi ro. Mi şibak ra ewnîyayêne înan. Gule gina lingê dayîka mi ro û way û birayê mi zî remayî hetê keye. Dima ra gule gina sîneyê dayîka mi ro. Dayîka mi zî xo antêne hetê keye.”

	 

	'Destûr nêdayî ke ambulans bêro'

	 

	Halîse qiseykerdişê xo yê peyênan de va: “Ma desan reye hewl da ke dayîka xo bibî zerre. La her şîyayîşî de gule reşênayî ma ser. Dayîka mi qasê nêmî saetî erde mende. Waya mi Sevcan û birayê mi Fîkretî zî birîndar bîyî. Destûr nêdayî ke ambulans bêro. Dayîka mi vînîkerdişê gonîya zêde vera merde. Eke mudaxale biameyêne kerdiş do nika bicuyayêne. Nika çimê çepî yê waya mi Sevcane (13) nêvîneno. Hedîse ra dima ma koç kerdî û 3 serrî yo ke ma paweyê agêrayîşê Nisêbînî yî.”