
'Vîşêrê bedilnayîşê paradîgma ti rayir çin o' 

2018-09-24 13:14:49


	&nbsp;

	ENQERE - Hemsereka Pêroyî ya KESKî Aysun Gezene dîyar kerde ke AKP dewamê polîtîkayê hêrişkar yê neolîberalî yo û wina va: “Reaksîyonê kedkaran wayîrê potansîyelê bedilnayîşê sîstem û AKP yî yo. Cok ra wexto ke no potansîyel vejîyeno raşte AKP heme çîyan keno.”

	&nbsp;

	Karkerê ke înşaatê Rasteyê Teyarayan yê 3. yê Stenbolî de xebetîyayênê 14ê êlule de dest bi çalakîya protestokerdişê şertanê xirabinan yê înşaatî kerdbî. Karkerî eynî şewe ameybî tepiştene û înan ra 24 kesî tewqîf bîbî. Hemsereka Pêroyî ya Konfederasyonê Sendîkaya Kedkaranê Rayapêroyî (KESK) Aysun Gezene reaksîyon nîşan daye îlegalîzekerdişê talebê cuye yê karker û kedkaran û qala zextê vera kedkar û karkeran kerde.

	&nbsp;

	'Xebata taşeronî hawayêke ciddî zêde bîya'

	&nbsp;

	Aysune destpêkê qiseykerdişê xo de wina va: “Rejîmê newe ke xo esasê neolîberalî de xemilnayo, heqê karker û kedkaran xesp keno. Keda karkeran bê asayî de yo û xebata taşeronî bi hawayêk cîddî zêde bîya. Dewlete ti reye bi no hawa nizdîyê karkeran nêbîya.”

	&nbsp;

	'Rejîmêk hîna hêrişkar ameyo awankerdiş'

	&nbsp;

	Aysune dewamê qiseykerdişê xo de qala hêrişê AKPyî kerde û wina domnaye: “AKP bi teknîkanê zêde hêrişê karkeran kerd. Tewqîfkerdişê 24 karkeran yeno mehneya tersnayîşê karkeran. Goreyê prosesê derbeya 12ê Êlule rejîmêk hîna hêrişkar ameyo awankerdiş. Derbeya 12ê Êlule de ewil hêrişê sendîka û têkoşînê rêxistinkerdeyan kerdî. Sendîka ameyî padayîş, şorişgerî ameyî tewqîfkerdiş, îşkence û îdam virazîyayî. Ewro bi teknîkanê cîya cîyayan hêriş dewam keno.”

	&nbsp;

	'No krîz netîceyê polîtîkayanê AKPyî yo'

	&nbsp;

	Aysune qiseykerdişê xo de daye zanayîş ke bi eynî raybazan hêrişê xoverdayîşê karkerê Flormar û Cargîlî zî kerdî û wina dewam kerde: “Îqtîdaro ke bi polîtîkayanê neolîberalî hêriş keno, nêşêno bibo wayîrê vîzyonêk baş. Seba ke sermayegozar waştî kontrolê veterîneran ame wedarnayîş û heywanê şarbonin ardî welat. Nêweşî vîla bîya komelî. Nika krîzêk gird ke şar nêşêno lazimîyanê xo bigîro û bedilnayîşan pê bîyaro yeno cuyayîş. Her ke şono krîz hîna kûre beno. No krîz netîceyê polîtîkayanê AKPyî yo.”

	&nbsp;

	Aysune qiseykerdişê xo yê peyênan de dîyar kerde ke vera krîzê ekonomî de ganî rêxistinê alternatîfî pê bêrî û torê hetkarî bêrî awankerdiş. Aysune daye zanayîş ke aye do hetê kesê ke heqîqetî pawenî de ca bigîra û xoverdayîşê pîlî bida, no wezîfeyê înan o.&nbsp;

	&nbsp;