Gelo botoksê madeyî vera obezîte bi tesîr o? 

2018-09-23 09:03:19


	 

	MERKEZÊ XEBERAN - Pispora Cerahîyê Pêroyî Tuna Bîlecîke derheqê botoksê madeyî de ke dermankerdişê obezîteyî de yeno xebitnayîş û hema tesîrê ci nêameyo tespîtkerdiş de qisey kerde û dîyar kerde ke no metod seba nêweşê ke 10-15 kîloyê înan zêdeyo, eşkeno bi feyde bo.

	 

	Yew problemoke sereyîn yê girîng ê seserra 21ê nêweşîya obezîteyî yo û seba dermankerdişî zî metodê tibê modern ameyê averşîyayîş. Metodê ‘botoksa made' yo ke 10 serre yo yeno kerdiş zî derheqê ci de tewr zêde xebat çin ê.

	 

	Hetkara Pispora Cerahîya Pêroyî Doç Dr. Tuna Bîlecîke dîyar kerde ke no metod dermankerdişê obezîteyî de hema statuyê cerebnayîşî yo û wina va: "No metodî de bi rayîrê endoskpîkî dêsê made de 20 nûktayê cîya estê. Cayo ke yeno kerdiş, dêsê madexo şikneno û seba demêke zî vengkerdişê made kêm keno. Amancê nê prosedurî, demêke derg merdimî mird verdeno û merdimî kêm çîyan wenê. Verê nê de hîn xebetan de zî ameyo vînayîş ke no caardişê botoksî hormonê îştahî qedênenê."

	 

	'Ganî 10-15 kîloyan derbaz nêkero'

	 

	Tunaye derheqê dermankerdişê obezîte de goreyê sewîyeyê înan çi bêro kerdiş wina qalî kerde: "Seba III morbîd obezîte û II obezîte dermankerdişê cerahîyo. Metodê botoksî made seba nêweşîyê ke 10-15 kîloyê înan zêdeyo, feydeyê ci esto. No metod zî gerek bi bernameyê diyet û egzeran bêro kerdiş."