Kobanê de serrgera PYDî ame pîrozkerdiş 

2018-09-21 15:59:29


	 

	KOBANÊ - PYDyî  bi wesîleyê 15in serrgera awankerdişê xo Kobanî de bi sloganê "Bi rihê xoverdayîşê Efrînî ma 15in serrgera awankerdişê PYDyî pîroz kenê" şahî viraştî.

	 

	Bi wesîleyê 15in awankerdişê Partîya Yewîya Demokratîke (PYD) Kobanî de bi sloganê, "Bi rihê xoverdayîşê Efrînî ma 15in awankerdişê PYDyî pîroz kenê" şahî ame viraştiş.

	 

	Şahîya ke Warê Şehîd Egît bi deqeyêke rêzgirewtişî ame destpêkerdiş, bi desan endamê îdarekarê Xoserîya Demokratîke ya mintiqaya Firatî, endamê PYDyî û hemserekê ci yê pêroyî, Kongreya Star û bi seyan welatiyê Kantonê Kobanî amedebî. Heto bîn ra warê ke şahî ame viraştiş bi fotografê rayberê PKKyî Abdullah Ocalan û beyraqê PYDî ame xemilnayîş.

	 

	Dimayê rêzgirewtişî hemserekê PYDî Şahoz Hesen qisey kerd û wina va: "Do PYDî têkoşînê xo bi rihê xoverdayîşê serdemî heta azadîya Efrînî, Kurdistan û heta awankerdişê Sûrîyêke demokratîk dewam bikero. 

	 

	Hemsereka PYDî Ayşa Hiso zî qiseykerdişê xo de soz da şehîd û keyeyê şehîdan û va ke do PYD her wext amade bo Efrîn xelas bibo.

	 

	Dima ra koma Botan ya kilaman û koma Sînan ya govendê ke yê kultur û hunerê Baqî Xido yê hunerê xo pêşkêş kerdî.

	 

	Tewr peyîn zî hunermend Hisên Xanî  kilamî va û şahî bi gernayîşê govende peynî bi.