Dr. Esma Seyîd Remedane: Sezeryan seba rewşa îstisnayî ya 

2018-09-20 16:10:15


	 

	GIRKÊLEGÊ - Zanayîşê kêmî û propagandaya kapîtalîzmî vera cinîyî ge ge derheqê xo de qeraranê şaşî sey amelîyatê sezeryanî danî. No amelîyat xeylê reyan cuya dayîk û domanan keno tehluke. Doktora cinîyan Esma Seyîd Remendane seba ke raybazê sezeryanî baş bêro zanayîş û tesîrê negatîfî bêro fehmkerdiş qisey kerde û malumatê muhîman daye.

	 

	Raybazê welidnayîşê cinîyan ra yew zî amelîyatê sezeryan o. Heme cinîyî roja ma ya ewro de eşkenî derheqê xo de qeraran bidî. La zanayîşê kêmî û propagandaya kapîtalîzmî vera cinîyî ge ge derheqê xo de qeraranê şaşî sey amelîyatê sezeryanî danî. No amelîyat xeylê reyan cuya dayîk û domanan keno tehluke. Doktora cinîyan ya welidnayîşî Esma Seyîd Remendane seba ke raybazê sezeryanî baş bêro zanayîş û tesîrê negatîfî bêro fehmkerdiş qisey kerde û malumatê muhîman daye.

	 

	'Welidnayîşê tebîî tewr baş o'

	 

	Doktora cinîyan ya welidnayîşî Esma Seyîd Remendane derheqê amelîyatê sezeryanî de malumatê muhîman daye û wina va: “Sezeryan raybazê welidyanîyê cinîyan ra yew o. Sebebê no amelîyatî zêde yî. Zay reyan bi talebê dayîkan yeno kerdişe û tay reyan zî tehlukeya cuya dayîk û domanan vera yeno kerdiş. Esasê xo de no amelîyat seba rewşa acîl û taybet o.”

	 

	'Xetereyê sezeryanî serê cuya maye û domane'

	 

	Doktora cinîyan ya welidnayîşî Esma Seyîd Remendane dewamê qiseykerdişê xo de va ‘wexto ke cinîyî demêk derg doman nêwelidnî û nêeşkî bi rayirê xozayî doman bîyarî do sezeryan bibî’ û wina domnaye: “Tansîyonê dayîke berz bibo û gonîya dayîke zêde şêra, ma domanan bi sezeryanî gênî. Goreyê exlaqê doktorî, ganî ma heme çîyan bikerî û dima ra muracatê sezeryanî bikerî.”

	 

	 

	Doktora cinîyan ya welidnayîşî Esma Seyîd Remendane qiseykerdişê xo yê peyênan de wina va: “No amelîyat tesîrê xo dano dayîke ser. Amelîyat ra dima dayîkî xeylê dejan ancenî. Ge ge birînî abenî û dayîkî cuya xo vînî kenî. Dayîka ke bi raybazê sezeryanî domanan bîyara, beno ke reyna wayîrê domanan nêba. Ge ge loqereyê dayîkan nêxebitîyenî. Beno ke doman zî cuya xo vînî bikero. ganî cinîyî goreyê menfîetê kapîtalîzmî qeraran nêdî û weşîya xo bifikirî. Ma omid kenî ke cinîyî xozaya xora dûrî nêkewî.”