'STE wazeno dosya Berkînî serê xo ra bierzo' 

2018-09-20 14:35:56


	 

	STENBOL - Yew avûkata dewaya Berkîn Elvanî Çîgdem Akbulute dîyar kerde ke STE bi mehneyê dîmenî xirabê hewl dano ke dewaya Berkînî serê xo bierzo û  Çîgdeme waşt ke ganî roniştiş de beşdarbîyayîş tewr zêde bo.

	 

	Berkîn Elvanî wextê çalakîyê Gezî de Okmeydanî yê Stenbolî de guleyê gazî yê polîs eşt gina sereyê ey ro û 269 rojan koma de mend û dima ra cuya xo vinî kerd. Dima ra dewa amî akerdiş û roniştişê 8in ame vînayîş. Roniştiş de avûkatan dîyar kerde ke polîsî dayo Berkînî ro sera 75 polîs Fatîh Dalgalî yo û waştişê tepiştişê ey kerd. La heyetê dadgehe girewtişê Fatîhî red kerd û dewa taloqê 28ê Teşrîna peyêne kerd.

	 

	Yew avûkatê Berkînî ke prosesê hukmkerdişê taqîbkerdişî Çîdem Akbulute qisey kerde.

	 

	‘Ma seba heme domanê ke ameyê kiştiş uca de yê'

	 

	Çîgdeme reaksîyon mojna taloqkerdişê dewa û wina va: "Ma zanê ke kiştoxê Berkînî nînê tepiştiş. Welat de polîtîkayê nêcezakerdişî estê. Kiştoxê domanê bîn zî nêameyê muhakemekerdiş. Ganî ma heme amanc bikerê ke kiştoxî bêrê muhakemekerdiş. Ma seba heme domanê ke ameyê qetilkerdiş tîyayê. Ma do 28ê teşrîna peyêne de tîya bê. Ganî ma na rey tewr zêde qerebalix bê. Sazgehê Tipê Edlî (STE) bi sebebê ke dîmenî xirabê hewl danê dosya serê xo ra bierzê.”