Bêrîvanî pêwa OHALî şinê pesê xo ancenê 

2018-09-19 09:21:07


	 

	Hîkmet Tunç

	 

	WAN - Bi ameyîşê payîze dir cinî hema bêrivanî kenê û yew zî nimûneyê tewr kan cuya komunal a. Cinîyê Wanî hema nê adetî dewam kenê.

	 

	Merdimî 3 saetan de xo resnenê dewa Bîlîsava yê Zozanê Nordizî Payîzava yê Wanî. Seba OHALî nuqtayê polîsan estê seba cigêrayîşê leşker û qorîcîyan zî rayîrê 3 saetan beno 5 saet.  Dewa Bîlîsava de 12 keyeyî estê û serrê 90an de xeylê kesî dewe ra koçê bajar kenê. Dewijê ke koçê Wanî kerdê, dimayê serrê 2000î dima reyna aşmê wisar û hamnanî de newe ra şîyê dewa xo.

	 

	Cinîyê ke yenê têhet konê rêze

	 

	Cinîyê ke seba pesê xo dewe de bi ca bîyê cuya înan yê rojane serê Bêrivanî de ya. Roje di rey pes ancenê û serê siba saete 04.00an de şîyar benê. Dimayê karê rojane kenê şinê verê pesê xo. Cinîyê ke risenê verê pesê xo bi di rojan vera yewbînan serê kerran de nişnenê ro.

	 

	'Cuya dewe zaf weş a'

	 

	Cinîya bi nameyê Besra Aslane hetêke pes ancena û heto bîn zî derheqê cuya dewe de qisey kena û va: "Ez zaf cuya dewe ra hes kena. Ma şitê xo kenê, penîr, mast û torak. Ma seba nê berardişan her hamnan yenê zozanan. Cuya ma zaf weş a. Ma tîya zaf kêfweş ê.

	 

	'Ma bi xêrê Bêrîvanî her wext yenê têhet'

	 

	Besraye dewam de va seba koçberî ciwan kulturê bêrîvanî ra dûr kewtê û wina va: "Seba kesê ke pes wey kenê bêrîvanî zaf girîng a. Ma roje de di rey yenê têhet. Labelê ciwanî nêwazenê dewan de bicuyê."

	 

	‘Ez xêrcê dewe nêeşkena cayêk bîn de bicuyî'

	 

	Latîfe Yildize zî arde ziwan ke bi 40 serre yo dewe de cuyena û wina va: "Hewaya zozanan zaf weş a. Emrê mi tîya derbaz bi. Ez heta bimrî ez wazena tîya bî. Her saet û deqeyê mi pirr derbaz beno. Karê ma zehmet o la ez zaf kêfweş a."