Şarkuterîyê Reyhane de berardişê fabrîka çin ê 

2018-09-18 13:34:17


	 

	Şehrîban Aslan

	 

	AMED - Reyhan Petekkaya ke Zarokîstan de mamosteya Zazakî bî, 2016an de karê xo ra amî îxrackerdiş û nê ser xo rê şarkuterîyêke akerde. Heme berardişê şarkuterî destê aye ra vejîyenê û heme zî organîk ê.

	 

	Qayûmê ke tayînî şaredarîyê DBPî ameyî kerdiş, kesê sazgehê girêdayê şaredarî de xebityenê îxrac kerdî. Mamosteyê kreş û vermekteban zî lîsteyê îxracî de ca girewtî. Mamosteyê Zazakî Reyhan Petekkaya ke Zarokîstan de mamoste bî zî kar ra amî eştiş û vera îxracan alternatîfê xo awan kerde.

	 

	Heme berardişî tebîî yê

	 

	Reyhana ke serrêke û nîm Zarokîstan de xebitya dimayê ke amî îxrackerdiş dima nêxebitya û va mêrdeyê mi zî Sûr de dikanê ey bîyo û pêrodayîşan de mecbur mendê bigîrê. Reyhane wina va: "Ma her di zî betal mendî. Seba ma kîra ra xilas bibê ma kredî ant û keye girewt. La seba rewşa ma, ma nêeşkayne kredî bidayne. Dima ra ma qerar da ma cayêke akerê."

	 

	'Ez şina dewe bixo ana'

	 

	Reyhane da zanayîş ke înan esasê xo de bazarêke dewe akerdê û heme berardişê înan tebîî yê û heta zafê înan bi destê xo viraznena û va: "Wexto ke ma dikan akerd xêrcê kasan çîyêk bîn çinbi. Ma hêdî hêdî dewan ra çî ardî. Ma taybet girîngî da tebîî î. Amancê ma o bi ke ma berardişê fabrîka ra dûr bê. Ma qahwe, simaq, xurek, sebzeyê wişk, bastiq, dims, şit, penîr, tewirê nebatan, hingemîn, awa firingiyan, nanê tewqe û xeylê berardişê bîn bi destê xo viraznenê. Heme berardişê ma organîk ê."

	 

	'Krîz tesîrê xo mojneno ra'

	 

	Reyhane da zanayîş ke krîzê ekonomî tesîrê serê karê înan zî keno û wina va: "Krîz tesîrê xo her ca de kerd. Vayîya berardişan her ke şino zêde beno. Hemwelatî nêeşkenê çîyêk bikerê."

	 

	https://www.youtube.com/watch?v=ixPKYDHjO9w&feature=youtu.be