Hêvî Mistefa: Do bi şerê Idlibî prosesêke newe dest pêbikero 

2018-09-18 12:40:47


	 

	Ferîde Zade 

	 

	ŞEHBA - Hemsereka Meclîsê Mintiqaya Efrînî Hêvî Mistefa rewşa peyîn yê Idlibî şîrove kerde û wina va: "Prosesê Idlibî do tesîrêke pîl serê temamê Sûrîye bikero. Nika heme kes goreyê berjewendîyê xo polîtîkayê xo yê derheqê Idlibî de dîyar kenê. La verê berjewendîyê şexsî ganî asayîşê şarê Idlibî esas bêro girewtiş."

	 

	Hemsereka Meclîsê Mintiqaya Efrînî Hêvî Mistefa derheqê averşîyayîşê Idlibî de da zanayîş ke kombîyayîşê seba Sûrîye nêrisayê amancê xo û wina va: "Seba problemê temamê Sûrîye bêro çareserkerdiş ganî şîrove û waştişê şarî destpêk de bêro mojnarayîş. La kesê ke derheqê alozîyê Sûrîye de kombîyayîşan viraznenê, destpêk de berjewendîyê xo fikrîyenê no semed ra zî nêrisenê netîceyêke."

	 

	Hêvî Mistefa arde ziwan ke bê Kurdan Sûrîye de ti problem nîno çareserkerdiş û va: "Heta ke şarê Kurd muxatab nêro girewtiş de problemêke çareser nêbeno. Verê de ma vanê ke berê ma seba dîyalogî akerdeyo. Dewletê sey Tirkîya û Îranî ke her hêriş destkewtişê şarê Kurd kenê nêwezanê ke şerê Sûrîya peynî bibo. Tena derdê dewleta tirkî o yo ke çeteyê girêdayê ey ê Idlibî bêrê pawitiş. No semed ra adirbest wazeno. Dewleta tirkî mîyanê Sûrîye de piştdayîş dayîş çeteyan ke Kurdî nêbê wayîrê statu û projeyê neteweyê demokratîk vindî bikerê. Eke problemê Idlibî çareser nêbo no do tesîrêke negatîf temamê Sûrîye bikero."

	 

	'Do bi şerê Idlibî prosesêke newe dest pêbikero'

	 

	Hêviye qiseykerdişê x wina qedêna: "Xeylê planê lêşin derheqê Idlibî de yenê viraştiş. No zî do alozîyê Sûrîye kûr bikero. Prosesê Idlibî o yo ke tesîrêke pîl serê temamê Sûrîye bikero. Do bi şerê Idlibî prosesêke newe dest pêbikero. Nika heme kes goreyê berjewendîyê xo polîtîkayê xo yê derheqê Idlibê de dîyar kenê. La verê berjewendîyê şexsî ganî asayîşê şarê Idlibî esas bêro girewtiş. Seba problemê temamê Sûrîye bêro çareserkerdiş gerek şîrove û waştişê şarî destpêk de bêro mojnarayîş. La kesê ke derheqê alozîyê Sûrîye de kombîyayîş viraznenê destpêk de berjewendîyê xo fikrîyenê no semed ra zî nêrisenê netîceyêke. Ma wazenê ke êdî alozî bi peynî bibo û şar êdî zirar nêvîno."