Seba keyeyê ke qereqolan vînenê, qedexeyê balkone ardî! 

2018-09-16 09:17:39


	 

	ŞIRNEX - Dimayê qedexeyê tebervejîyayîşê kuçeyan her ca de qerekolî ameyî viraştiş û warê cuyayîşê şarî yenê  tacîzkerdiş. Keyeyê ke balkonê înan qerekolan rê ewnîyenê zî ame zanayîş ke polîsan înan ra vatê 'balkonan de menişnê ro' û şar dîyar kena ke seba qerekolan nêeşkenê tebera bigeyrê û keyeyê xo de zî rehet nîyê.

	 

	Cizîrî yê Şirnexî 14ê Kanûna 2015an de qedexeyê tebervejîyayîşê kuçeyan ame îlankerdiş û heta 2ê Adara 2016an dewam kerd. Dimayê ke qedexe wirza qeza de bi desan qereqolê newe ameyî viraştiş. Her taxe û kuçe de qereqol estê û mektebî zî bi têlan ameyê dorpêçkerdiş ey zî kerdê qereqol. Dimayê qedexeyî mektebê Lîseyê Anadolu yê Ataturk, Lîseyê Meslekî yê Endustrî, Mektebî Îsmaîl Ebulîz, Merkezê Kultur û Hunerî yê Şaredarîyê Cizîrî, Midûrê Rayîrê Bejayî yê Verê, Parkê Dortyol Cumhuriyetî, Girê Seyrî Cizîrî açernayê qereqol.

	 

	Vernî, peynî, çep û rastê mi: Qereqol!

	 

	Viraştişê Qereqolê taxa Sûrî Qilê Caferî Sadik, taxa Cudî qilê serê kuçeyê Îdîlî, kewtişî Cizîr- Hezexî, ser rayîrê kuçeyê Dortyol Yasef temam bi. Hemwelatîyê taxa Cudî dîyar kerdî ke qereqol nêverdenê ey boya xo bidê û seba qerekolê her çar dorî şan de nêeşkenê vejîyê teber û rastê GBTî yenê.

	 

	'Domanî nêeşkenê kay bikerê'

	 

	Hemwelatîyan da zanayîş ke seba qereqolê taxe roje bi seyan wesayîtê zirxî derbaz benê û domanê taxe zî seba nê wesayîtan nêeşkenê kuçe de kay bikerê û vatî: "Verê nê de kamera û roşnê verê qereqolan sebeb mojnayî ra û polîsî balkonan de roniştiş qedexe kerdê. Hemwelatîyan va serê nê de nêeşkenê bi rehetî balkonanê xo de binişnê ro."