Cenazeya ke aşmêk de amey teşhîskerdiş di serr û nêmî ra dima dîya keye

2018-09-15 13:12:17


	 

	ŞIRNEX - Cenazeya Ruken Alparlsana ke wextê qedexeyê tebervejîyayîşê Cizîrî de cuya xo vinî kerdebî û cenazeya aye goristanê bêkesan de amebî definkerdiş aşma vîyarte de teslîmê keyeyî amî kerdiş. Dosya de cigêrayîş de ame vatiş ke cenaze Adara 2016an de ameya tespîtkerdiş la di serrî û nîm keyeyî rê ameya neqlkerdiş.

	 

	Qezaya Cizîrî yê Şirnexî 14ê Kanûna 2015an de qedexeyê tebervejîyayîşê kuçeyan ame îlankerdiş û no heta 2ê Adara 2016an dewam kerd. Yew kesê ke wextê qedexeyan de cuya xo vinî kerda Ruken Alpaslane bî. Keyeyî nimûneyî xo dabi û netîceyê DNAyî aşma Tebaxe de vejîya û cenaze goristanê Bêkesan yê Mêrdînî ra amî girewtiş û berdî Qesrê Serçixan yê Nisêbîn de defin kerdî.

	 

	Dimayê ke cenaze teslîmê keyeyî amî kerdiş dosya dayî avûkatan. Dosyaya cigêrayîşê hema dewam keno de vejîya meydan ke wextê cenaze ameya vînayîş aşmêke ra dima nimûneyê DNAyî bi keyeyî dir eynî bîyo la di serrî û nîm dima zanayîş dayê keyeyî.

	 

	Adresê cayê ameyo vînayîş şaş dosya de bi ca kerdê

	 

	Dewa ameya akerdiş de dîyar kerdî ke 9ê Sibata 2016an de cigêrayîşê Taxa Cudî de 3 cenaze ke yew înan ra cinîyan a ameya vînayîş û nê cenazeyan dir eynî mintiqa de 27 cenaze ameyê vînayîş. Dosya de yeno vatiş ke cenazeya verê hûmara C-3185 ameya vînayîş, dimayê aşman ra dima ame vatiş ke awanîyêke bîn yê bombayêke pîmê aye nêameya antiş ameya vînayîş.

	 

	Bi sebebê boye danê nêgirewtê otopsî

	 

	Bi Rukene dir taxe ra 17 cenaze yenê vetiş û seba otopsî benê Nêweşxaneyê Dewlete yê Mêrdînî. 13ê Sibata 2016an de bi sebebê dolabê veng çin ê û 5 cenazeyê ke tebera ameyê verdayîş û nê zî zabitname de ca gênê. Prosesê nêweşxaneyê ameyê vindertiş de 17 cenazeyan 3 heb nasnameyê înan tespîtkerdiş û teslîmê keyeyan ameyê kerdiş. 14 hebî bîn nêweşxaneyî de yenê vindernayîş. 5 cenazeyê ke çend rojan tebere da manenê zî çend roje boye danê û nê ser verê ke berê otopsî goristanê bêkesan de yenê definkerdiş.

	 

	Cenazeyê ke Rukene zî mîyan de dimayê kar û barê otopsî yê înan kerdiş 1ê Adara 2016an de nêweşxaneyan de yenê girewtiş û goristanê bêkesan de yenê definkerdiş. La pêwa ke Rukene yena definkerdiş û DNAya ci keyeyî dir eynî vejîyeno û di serrî nîm dima zanayîş danê keyeyî. Nê ser avûkatan muracatê sucî kerdî.