Esnaf Fatma: Ma rojê xo veng derbaz kenê 

2018-09-14 15:41:26


	 

	SEMSÛR - Esnaf Fatma Akçale dîyar kena ke seba krîzî karê înan qet nêbeno û wina va: “Berardişê ke verê bi 10 TL ameyne nika bi 25 TL yeno. Seba ma qezenc bikerê, berardişê ma verê 15 TL rotine ma nika mecbur manenê bi 30 TL biroşê. Wextê wina de zî kes çîyêk nêgîno."

	 

	Fatma Akçala ke qezaya Kahtayî bazarê taxe ya Cumhuriyetî de tezgahê aye cil û belgan esto krîzê ekonomî şîrove kerde û wina va: “Ez nê karî nêkerî ez veşan manena. Wextê peyîn de karê ma qet baş nîyo. Qezencê mi xo ra zaf kêm o. Reyan ez tena pereyê berardişanê xo vejena. Karê ma nêbeno. Serê siba heta şan de ma serê tezgahî de bendeyê mişteriyan ê.”

	 

	Fatmaye dîyar kerde ke bi krîzê ekonomî dir qezencê înan rojane zaf kewto û va karêke bîn bikero çin o. Fatma wina va: "Reyan ma 5 TL zî qezenc nêkenê. La ma mecburê bixebitîyê. Serê siba ma yenê tîya tezgah akenê. Reyan ez seba xo qet wext nêvisnena. Ez cilan tîya roşena. Ez xo rê nêeşkena çîyêk bigîrî. Ez nêweş kona ez nêeşkena şîrî nêweşxane. Wextê peyîn de heme çî vay bîyo. Ma bi dolar çîyêk nêroşenê la berardişê ke ez roşena kumaşê înan serê dolar ra yeno girewtiş."