
Hepsîyo nêweş rîng ra ame vetiş û derbkerdiş 

2018-09-14 14:07:31


	&nbsp;

	AMED - Yilmaz Kahramano ke mezgî ey de ûr esto û bi serran o surgunê hepisxaneyê cîya yenê kerdiş, emeliyatê ey zî yenê taloqkerdiş. Seba nê rewşa Yilmaz her ke şino giran beno. Waya ey Remzîye Kahramane wina va: “Gurçikê ey nêxebêtinê. Dest û lingê ey pîl benê. Her çî xo vîr ra keno. Ma veng danê raya pêroyî."

	&nbsp;

	Yew hepsîyo nêweş ke rewşa ey her ke şino giran beno Yilmaz Kahraman o. Yilmaz 2009an de ame girewtiş û eşrawitî hepisxaneyê Kurkçuler yê Edeneyî. Waya ey Remziye Kahramane da zanayîş ke her wext cezaya pêvînayîş û hucreyî dayê birayê aye û dima ra zî ey eşrawitî hepisxaneyê Kirikkaleyî.

	&nbsp;

	'Nêame emelîyatkerdiş'

	&nbsp;

	Remziye da zanayîş ke vera ke bi hawayêke lezgîn biameyne emeliyatkerdiş, nêberdê û wina va: “Rapor bi mi dir zî estê. La emeliyat nêkerdî. Her wext taloq kerdî. Serrêke dima ra ûr pîl bi. Dima ra eşrawitî hepisxaneyê Sîncanî. Bi di aşmî yo kerdê mîyanê hepsîyê edlî. Birayê mi şi pêvînayîş nêgirewtî zere. Aşmêke û nîm dima ra berdî Hepisxaneyê Metrîs. Aşmêk û nîm zî uca de mend."

	&nbsp;

	'Ring ra vetî û derb kerdê'

	&nbsp;

	Remziye wina va: "Tewr peyîn 11ê êlule de şîya pêvînayîş. Hêviya ci nêmend. Mi reya ewil ey wina dî. Mi ra va ‘êdî çîyêke bikerê. Çîyêk bikerê ez êdî xilas bibî." Dima ra ma tarîxê emelîyatî girewt. Ma randevu girewt. Bê zanayîşê ma berdî hepisxaneyê Sîlîvriyê Metrîsî yo. Pêwa heme hewldayîşî 18ê teşrîna verêne 2017an de berdî emelîyat kerd. Wexto ke seba dermankerdiş benê nêweşxaneyê komêke bi nameyê &nbsp;‘Beşîktaş’ înan rayîr danê vindernayîş û rîng ra vejenê û lînç kenê. Ma wina fikrîyenê ke bi hemkarîya leşkeran kerdê. Ya zî senîn çîyêk wina bibayne."

	&nbsp;

	'41 hepsî jehrî bî'

	&nbsp;

	Remziye da zanayîş ke 2ê êlule de bi telefon de ey dir xeberî dayê û wina va: “41 embazanê ey jehrî bîyê. Wedartê nêweşxane. Yilmaz zaf xirab bîyo. Seba ke ûr mezgê ey de esto. Gurçikê ey nêxebityê Dest û lingê ey pîl bîyê. Îdareyê hepisxaneyî derheqê ey de çîyêke nêvanê. La hepsî bêwayîr nîyê. Ma wazenê wayîrê înan vejîyê."

	&nbsp;